Flóttamenn sváfu á Austurvelli: „Það var ískalt en við gátum þetta“

Mótmæli standa enn yfir á Aust­ur­velli. Flótta­menn gistu á Aust­ur­velli í níst­ings­kulda og snjó.

Flóttamenn mótmæla á Austurvelli

Mótmæli hæl­is­leit­enda og flótta­manna stóðu enn yfir á Aust­ur­velli í dag og hafa mót­mæl­endur nú reist stórt tjald og klæðst svörtum rusla­pokum til að verj­ast veðr­átt­unni. Mót­mæl­endur segja kröfur sínar skýrar og að þeir hætti ekki að mót­mæla nema kröfum þeirra verði mætt.

Nóttin var níst­ingsköld að sögn Milads, flótta­manns frá Íran sem senda á aftur til Grikk­lands þar sem hann hlaut alþjóð­lega vernd.

„Það var ískalt en við gátum þetta því við vorum búin að taka ákvörðun. Við munum vera hér þangað til kröfum okkar er mætt. Við förum ekki héðan fyrr en við höfum afrekað eitt­hvað. Okkur er alvara,“ segir Milad.

Milad segir mót­mæl­end­urna ætla eyða næstu dögum á Aust­ur­velli ger­ist þess þörf.

Amal frá Afghanistan segir betra að vera í snjónum á Aust­ur­velli en í búsetu­úr­ræði hæl­is­leit­enda, Ásbrú. „Ásbrú er eins og fang­elsi. Það er betra að vera hér en á Ásbrú,“ segir hann.

Flótta­menn hlýja sér í kuld­anum

Mótmælt síðan á mánudag

Mótmælin hófust á mánu­dag. Þau byrj­uðu með frið­sömu móti en þegar leið á dag­inn beittu lög­reglu­menn piparúða og hand­tóku tvo mót­mæl­endur. 

Í gær var boðað til mót­mæla að nýju á Aust­ur­velli. Fólk safn­að­ist saman til þess að krefj­ast afsagnar Sigríðar Á. Andersen, dóms­mála­ráð­herra vegna nið­ur­stöðu Mann­rétt­inda­dóm­stóls Evrópu í Lands­rétt­ar­mál­inu.

Sigríður kynnt nýlega drög að frum­varpi til breyt­inga á útlend­inga­lögum sem myndu fela í sér herta útlend­inga­stefnu og þrengja að rétt­indum hæl­is­leit­anda. Að loknum mót­mælum tengdum Lands­rétti héldu mót­mæli hæl­is­leit­anda áfram.

Umgjörðin á lögreglustöðinni ofbeldi

Elínborg Harpa Önund­ar­dóttir, önnur þeirra sem var hand­tekin á mánu­dag, sagð­ist vera komin til að mót­mæla fram­göngu lög­reglu á fyrri mót­mælum og til að sýna sam­stöðu með flótta­fólki. Kröfur þeirra eru fimm tals­ins „Ekki fleiri brott­vís­anir, ekki meiri Dyflin, rétt­ur­inn til vinnu, jafn aðgangur að heil­brigð­is­kerfi og lokun Ásbrú,“ segir Elínborg.

Elínborg var dregin út af mót­mæl­unum í gær af þremur lög­reglu­mönnum því hún sat á pappa­spjaldi sem lög­reglan kvaðst telja að mót­mæl­endur hygð­ust kveikja í. Elínborg var hand­tekin í kjöl­farið. „Áður en ég veit af er búið að hand­taka mig og verið að taka mig í burtu. Svo sé ég að það er verið að piparúða fólk í kringum mig,“ segir Elínborg.

Mar­blettur eftir fram­gang lög­reglu

„Öll umgjörðin á lög­reglu­stöð­inni var mun meira ofbeldi en hand­takan sjálf“

„Mér var sagt að ég mætti ekki hringja í lög­fræð­ing­inn minn. Þeir sögð­ust ætla gera það. Þeir spurðu mig ekki hvað hann hét fyrr en tvemur til þremur tímum seinna,“ segir Elínborg. Lög­reglan til­kynnti Elín­borgu ekki u að hún mætti hringja í aðstand­anda. Móður Elín­borgar var til­kynnt þegar hún kom niður á lög­reglu­stöð að Elínborg vildi ekki tala við hana fyrst hún væri ekki búin að hringja í hana. „Öll umgjörðin á lög­reglu­stöð­inni var mun meira ofbeldi en hand­takan sjálf, upp­lifði ég,“ segir Elínborg.  

Finnur fyrir örygggi á Íslandi

Shahnaz Safari, ein­stæð móðir með tvö börn, sem senda á úr landi, mætti á mót­mælin. „Ég bið íslensk stjórn­völd um að vísa mér ekki úr landi. Ef ég hefði ekki átt í vand­ræðum þaðan sem ég kom, hefði ég aldrei komið hingað. Ég er orðin kvefuð og börnin mín líka en við erum hér að mót­mæla,“ segir Shahnaz.

„Ég bið íslensk stjórn­völd um að vísa mér ekki úr landi.“

Shahnaz segir Ísland fyrsta landið sem hún finni fyrir öryggi í. „ Þegar ég sendi börnin mín í skól­ann á Íslandi veit ég að þau koma örugg heim, þannig er það ekki í Grikk­landi,“ segir hún.

Shahnaz Safari á mót­mælum
Flótta­maður að hlýja sér
Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár