Guðni veit meira - sér nýja ríkisstjórn

Guðni Th. Jóhann­es­son for­seti ræddi við alla for­menn flokk­anna og sér nýja rík­is­stjórn í myndun á næstu dögum. Katrín Jak­obs­dóttir ræðir við flokk sinn í dag og úti­lokar ekki sam­starf með Sjálf­stæð­is­flokknum.

Guðni á Bessastöðum
Guðni á Bessa­stöðum For­set­inn var glað­beittur á Bessa­stöðum þar sem hann lýsti því að hann væri von­góður um nýja rík­is­stjórn eftir sam­töl við for­menn allra flokka. Mynd: RÚV

Svo virð­ist sem for­menn flokks eða flokka hafi lýst því yfir við Guðna Th. Jóhann­es­son for­seta að þeir myndu end­ur­skoða þá afstöðu sína að úti­loka sam­starf við til­tekna flokka.

Nú eru aðeins eftir rík­is­stjórn­ar­mögu­leikar sem flokkar hafa úti­lokað. Til dæmis hafa Vinstri grænir því sem næst úti­lokað sam­starf með Sjálf­stæð­is­flokknum, Píratar úilok­uðu Sjálf­stæð­is­flokk og Fram­sókn­ar­flokk og Viðreisn úti­lok­aði rík­is­stjórn með Sjálf­stæð­is­flokki og Fram­sókn­ar­flokki saman. 

Guðni sagð­ist á blaða­manna­fundi á Bessa­stöðum í dag hafa ástæðu til að ætla að ný rík­is­stjórn geti verið í gerjun.

Hann var spurður af frétta­manni RÚV hvort hann væri von­góður:

Ertu bjart­sýnn á að þessar óform­legu við­ræður skili árangri, og það strax í næstu viku? „Já.“

Hefurðu eitt­hvað fyrir þér í því? „Já.“

Guðni byggir afstöðu sína á sam­tali við for­menn flokk­anna.„Ég er nýbú­inn að tala við for­menn eða full­trúa allra flokka og allir sann­færðu mig um það, sem ég lagði brýna áherslu á, að það mætti ekki úti­loka leiðir fyr­ir­fram. Ég vildi ekki segja að nú væru þeir tímar liðnir, en ég bað alla um að átta sig á þeirri ábyrgð sem á þeim hvílir og það tóku allir undir að það væri í þeirra verka­hring að sjá til þess að hér væri starf­hæf rík­is­stjórn og allir kváð­ust að vilja gerðir að leita allra mögu­legra lausna.“

Katrín virðist opin fyrir Sjálfstæðisflokknum

Katrín Jak­obs­dóttir, for­maður VG, seg­ist í sam­tali við Stundina ekki hafa úti­lokað sam­starf með Sjálf­stæð­is­flokknum. 

Ertu búin að biðja þing­flokk­inn að end­ur­skoða hug sinn til sam­starfs við sjálf­stæð­is­flokk­inn? 

„Nei, ég hef ekki beðið um það en ég vænti þess að við förum yfir þessi mál í dag.“

Svo það gæti farið svo að þið end­ur­skoðið ykkar afstöðu til Sjálf­stæð­is­flokks­ins? 

„Ég hef aldrei úti­lokað sam­starf Sjálf­stæð­is­flokk­inn en alltaf bent á það að það er mál­efna­lega langt á milli.“

Það hefur ekk­ert breyst?

„Nei, það breyt­ist ekki, nema allir fari að horfa á þetta með nýjum hætti.“

Sjálf­stæð­is­flokk­ur­inn og Vinstri grænir hafa sam­tals 31 þing­mann og gætu myndað rík­is­stjórn með þriðja flokki, hvort sem það væri 34 þing­manna stjórn með Sam­fylk­ingu, 35 þing­manna stjórn með Bjartri fram­tíð, eða sterk­ari stjórnir með öðrum flokkum.

Rík­is­stjórn­ar­mynd­anir Við­reisnar og Bjartrar fram­tíðar með Sjálf­stæð­is­flokknum, ann­ars vegar, og Vinstri grænum, Pírötum og Sam­fylk­ingu, hins vegar, hafa ekki gengið upp.

Katrín sagði á fundi á Bessa­stöðum í dag „kannski of snemmt að segja til um“ mögu­lega rík­is­stjórn VG og Sjálf­stæð­is­flokks. 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Kosningar 2016

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár