Snorri lýsir vonbrigðum með Trump

Banda­ríkja­for­seti hótar eyð­ingu sið­menn­ingar. Brestir komnir í stuðn­ingi Mið­flokks­ins við Trump.

Snorri Másson
Snorri Másson Vara­for­maður Mið­flokks­ins tekur nú afstöðu gegn Donald Trump Banda­ríkja­for­seta. Mynd: Golli

Vara­for­maður Mið­flokks­ins, Snorri Másson, segir „vonir hafa brugð­ist“ varð­andi Donald Trump Banda­ríkja­for­seta, eftir að for­set­inn hót­aði í dag að „eyða sið­menn­ingu“ Írans.

Áður hafa sam­flokks­menn Snorra vakið máls á því að íslensk stjórn­völd eða Alþingi veiti Donald Trump verð­laun.

„Heil sið­menn­ing mun deyja í kvöld og verður aldrei end­ur­vakin,“ sagði Trump á sam­fé­lags­miðli sínum í dag, en úti­lok­aði ekki að „eitt­hvað dásam­legt“ myndi ger­ast sem fælist vænt­an­lega í því að það sem eftir er af írönskum stjórn­völdum ákveði að leyfa alla skipa­um­ferð um Hormuz-sund að nýju, en tepp­ing hennar eftir árás Banda­ríkj­anna og Ísraels á Íran hefur hækkað olíu­verð veru­lega.

Snorri Másson setur sig í fót­spor stuðn­ings­fólks Trumps þegar hann lýsir von­brigðum með hótun hans um eyði­legg­ingu sið­menn­ingar.

„Von­brigði og skiln­ings­leysi hljóta að vera ráð­andi til­finn­ingar hjá mörgum kjós­endum sitj­andi Banda­ríkja­for­seta, sem ósk­uðu sér breyttrar nálg­unar á landa­mærum, betri efna­hags og minna woke-brjál­æðis,“ segir Snorri í Facebook-færslu.

„Ekki síst kusu menn Trump þó vegna boð­aðrar frið­ar­nálg­unar í stað frek­ari inn­gripa Banda­ríkja­hers á ver­ald­ar­svið­inu. Ekki aðeins hafa þessar vonir brugð­ist, heldur er farið af fullum þunga í þver­öf­uga átt og frum­kvæði haft að stig­magn­andi styrj­ald­ar­á­tökum.“

Þá lýsir Snorri áhyggjum af hern­að­ar­að­gerðum á óþekktum skala í nútím­anum.

„Nú síð­ast virð­ist for­set­inn vera að bera fram hót­anir um hern­að­ar­að­gerðir á óþekktum skala í nútíma­sög­unni, sem gætu orðið upp­hafið að atburða­rás sem eng­inn veit hvar endar. Allra helst vonar maður að þetta séu inn­an­tómar hót­anir Banda­ríkja­for­seta sem er kom­inn í krappa stöðu og að í stað­inn setj­ist menn við samn­inga­borðið, en það afsakar aldrei þennan óboð­lega mál­flutn­ing.“

Meðal ann­arra íhalds­samra stjórn­mála­manna sem hafa tekið afstöðu gegn Trump, þrátt fyrir fyrri stuðn­ing, eru Nigel Farage, for­maður Umbóta­flokks­ins í Bret­landi.

Formaðurinn vildi veita Trump verðlaun

Karl Gauti Hjalta­son, þing­maður Mið­flokks­ins, lagði að for­seta Alþingis í haust að til­nefna Donald Trump til frið­ar­verð­launa Nóbels úr pontu Alþingis.

Sig­mundur Davíð Gunn­laugs­son, for­maður Mið­flokks­ins, hefur ekki tjáð sig um yfir­lýs­ingar Trumps nú, en um pásk­ana gagn­rýndi hann aftur íslenska utan­rík­is­ráð­herr­ann fyrir að mis­takast að efla nægi­lega vel sam­starf við Banda­ríkin á sviði varn­ar­mála.

Síðasta haust vakti Sig­mundur máls á því í ræðu­stól á Alþingi að Banda­ríkin hefðu fest sig í sessi sem „leið­andi ríki í alþjóða­málum“. Hann spurði með hvaða hætti for­sæt­is­ráð­herra hyggð­ist efla tengslin við Banda­ríkin „og styrkja sam­starf við þau í sessi“.

„Ég held það færi vel á því að bjóða Banda­ríkja­for­seta til Íslands. Veita honum kannski ein­hver verð­laun“
Sig­mundur Davíð Gunn­laugs­son
Á Alþingi 14. októ­ber 2025 í fyr­ir­spurn til for­sæt­is­ráð­herra

Þá þrýsti Sig­mundur á for­sæt­is­ráð­herra að eiga nán­ara sam­band við Trump og bjóða honum til Íslands.

„Mér skilst að hæst­virtur for­sæt­is­ráð­herra hafi ekki enn leit­ast við að ná beinu tal­sam­bandi við for­seta Banda­ríkj­anna. Verður for­seta Banda­ríkj­anna jafn­vel boðið til Íslands? Hér á Íslandi eru margir áhuga­verðir golf­vellir. Á sumrin er hægt að spila mið­næt­ur­golf. Og ég held það færi vel á því að bjóða Banda­ríkja­for­seta til Íslands. Veita honum kannski ein­hver verð­laun og efla og styrkja sam­starf þess­ara ríkja, ekki veitir af að hafa öfl­uga banda­menn þegar við horfum upp á vand­ræða­gang vina okkar í Evrópu.“

Snorri varð ósáttur í jan­úar síð­ast­liðnum þegar Sigmar Guð­munds­son, þing­maður Við­reisnar, gagn­rýndi sendi­herra­efni Banda­ríkj­anna á Íslandi fyrir að grín­ast með að ger­ast lands­stjóri, mitt í hót­unum Banda­ríkja­for­seta um að taka Grænland með valdi.

Kjósa
15
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (2)

Skráðu þig inn til að skrifa athugasemd eða kjósa.
  • HH
    Hjörtur Herbertsson skrifaði
    Ég ætla nú að vona að forsætisráðherra sé ekki svo vitlaus að bjóða þessum vitleysing til Íslands, eins og miðflokksmenn óska eftir.
    2
  • SIB
    Sigurður I Björnsson skrifaði
    Æ æ er verið að yfirgefa sökkvandi skip. Kannski ekki mjög "POPULAR" að tengja sig of mikið við þann gamla appelsínugula.
    1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Íransstríðið

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár