Rekstr­ar­fé­lag Útvarps Sögu hagn­að­ist um 1,6 millj­ónir króna í fyrra sam­kvæmt nýbirtum árs­reikn­ingi þess. Er fjöl­mið­ill­inn einn fárra einka­rek­inna miðla á Íslandi sem skilað hefur hagn­aði und­an­farin ár.

Félagið SagaNet - Útvarp Saga ehf. er að fullu í eigu Arn­þrúðar Karls­dóttur útvarps­stjóra. Fjöl­mið­ill­inn hagn­að­ist um 2,4 millj­ónir króna árið 2017 og 1,3 millj­ónir króna árið 2016, en fyrra rekstr­ar­fé­lag hans var úrskurðað gjald­þrota í lok árs 2014.

Samkvæmt árs­reikn­ingnum standa tekjur félags­ins að mestu saman af kostun og styrkjum. Á vef útvarps­stöðv­ar­innar er vel­vild­ar­mönnum boðið að styrkja hana um fasta upp­hæð mán­að­ar­lega. Stöðin fékk 37 millj­ónir króna vegna kost­unar í fyrra og 14,7 millj­ónir króna í styrki. Kostn­aður við dag­skrár­gerð dróst veru­lega saman á milli ára, en á móti nær tvö­fald­að­ist launa­kostn­aður, mest­megnis vegna kostn­aðar við texta­gerð og aug­lýs­inga­sölu.