Brynjar Níelsson, þing­maður Sjálf­stæð­is­flokks­ins, gekk af fundi stjórn­skip­unar- og eft­ir­lits­nefndar í morgun til að mót­mæla vinnu­brögðum for­manns nefnd­ar­innar, Þór­hildar Sunnu Ævars­dóttur, þing­manns Pírata. Þór­hildur Sunna hafði ekki sam­ráð við aðra nefnd­ar­menn þegar hún boð­aði í gær dóms­mála­ráð­herra á fund nefnd­ar­innar til að ræða mál­efni rík­is­lög­reglu­stjóra. Málefni lög­reglu heyra hins vegar undir alls­herjar- og mennta­mála­nefnd og Páll Magn­ús­son, for­maður þeirrar nefndar, benti á það þegar í gær­kvöldi og gerði athug­semd við málið. Brynjar var mjög ósáttur við fram­göngu Þór­hildar Sunnu og gerði það ljóst við upp­haf fundar. „Ég ætla ekki að vera þátt­tak­andi í nefnd­ar­störfum Alþinigs á þessum nótum.“

Ekki hlutverk nefndarinnar

Þór­hildur Sunna boð­aði í gær Áslaugu Örnu Sig­ur­björns­dóttur dóms­mála­ráð­herra á fund stjórn­skip­unar- og eft­ir­lits­nefndar að morgni 25. sept­em­ber. Tilefnið var van­trausts­yf­ir­lýs­ing lög­reglu­stjóra og Lands­sam­bands lög­reglu­manna á hendur Haraldi Johann­es­sen rík­is­lög­reglu­stjóra. Strax í gær var bent á að málið heyrði ekki undir verk­svið nefnd­ar­innar og Páll Magn­ús­son, for­maður alls­herjar- og mennta­mála­nefndar sem lög­reglu­mál heyra undir, mun í gær­kvöldi hafa sent for­seta Alþingis athuga­semd vegna boð­unar ráð­herra á fund­inn.

„Ég benti á það strax í morgun þegar fundur hófst að þetta væri óeðli­legt, að málið heyrði ekki undir nefnd­ina og að for­maður hefði ekki haft sam­ráð við einn né neinn, auk þess sem óeðli­legt væri að þing­nefndir hefðu yfir höfuð afskipti af mál­inu á þessu stigi. Útganga mín voru mót­mæli við þess­ari fram­komu. Í fyrsta lagi þykir mér alveg óvið­eig­andi að nefnd­ar­for­maður gangi fram með þessum hætti án þess að ráðg­ast við nokkurn annan nefnd­ar­mann. Ég lít á þetta allt sem eitt­hvað póli­tískt sjón­ar­spil, sem ég ætla ekki að vera þátt­tak­andi í,“ segir Brynjar í sam­tali við Stundina.

„Ég nennti ekki að taka þátt í sjón­ar­spili for­manns stjórn­skip­unar- og eft­ir­lits­nefndar og þess vegna gekk ég út“

Brynjar segir öllum vera ljóst að vanda­mál séu til staðar innan lög­regl­unnar. Lög­reglan og lög­reglu­vald heyri hins vegar undir dóms­mála­ráð­herra og hann eigi að leysa málið og gera það sem gera þarf. „Að ein­stakar þing­nefndir eða þing­menn séu á þessu stigi að vasast í mál­inu, það er bara ekk­ert hlut­verk þeirra. Það þreytir mig afskap­lega að upp­á­komur í stjórn­sýsl­unni, sem verða á hverjum degi, séu með­höndl­aðar með þeim hætti að þing­nefndir séu að skipta sér af þeim. Það er ekki þeirra hlut­verk.“

Brynjar segir að stjórn­skip­unar- og eft­ir­lits­nefnd geti hugs­an­lega komið að mál­inu þegar að ráð­herra hafi tekið ákvarð­anir í því, ef þörf krefji. Telji þing­menn nauð­syn­legt að skoða lög­reglu­mál á þessu stigi þá heyri það hins vegar undir alls­herjar- og mennta­mála­nefnd. Það megi öllum vera ljóst. „Ég nennti ekki að taka þátt í sjón­ar­spili for­manns stjórn­skip­unar- og eft­ir­lits­nefndar og þess vegna gekk ég út.“