Þau fá til sín börn á flótta sem leitað hafa verndar á Íslandi. Börn sem hafa sum hver aldrei gengið í skóla, eru ólæs og óskrif­andi, ekki talandi á neina aðra tungu en móð­ur­málið. Sum þeirra hafa verið á flótta alla sína ævi, eiga sér ekk­ert heima­land, jafn­vel enga fjöl­skyldu. Dæmi eru um börn sem eru alvar­lega veik á lík­ama og sál eftir þá lífs­reynslu sem þau hafa gengið í gegnum. Á móti þeim öllum taka þau með mann­gæsku að vopni, með faðm­inn opinn.

Þetta er starfs­fólk Bjargs, deildar í Hval­eyr­ar­skóla í Hafn­ar­firði, sem þjón­ustar börn sem hingað hafa komið í leit að hæli og sótt um alþjóð­lega vernd hér á landi, ýmist með fjöl­skyldum sínum eða á eigin vegum. Útlend­inga­stofnun samdi við þrjú sveit­ar­fé­lög, Hafn­ar­fjörð, Reykja­vík og Reykja­nesbæ, um að sjá um menntun barna í þessum hópi, barna sem bíða þess að tekin verði ákvörðun um hvort að þeim …