Birt­ingur ehf., sem gefur út tíma­ritin Mannlíf, Vikuna, Gest­gjafann og Hús og híbýli, tap­aði 168 millj­ónum króna í fyrra sam­kvæmt árs­reikn­ingi. Eigið fé félags­ins dróst saman um 50 millj­ónir króna á árinu.

Á árs­reikn­ingnum má sjá að þrátt fyrir að tekjur hafi auk­ist veru­lega á milli ára og launa­kostn­aður dreg­ist saman hefur tap­rekstur félags­ins versnað á milli ára. Munar þar mest um lið­inn „annar útgáfu­kostn­aður“ sem jókst um 156 millj­ónir króna milli ára.

Halldór Krist­manns­son

Birt­ingur tap­aði 92 millj­ónum króna á rekstri sínum árið 2017. Eigandi Birtings er fjár­fest­inga­fé­lagið Dalurinn ehf., sem er alfarið í eigu Halldórs Krist­manns­sonar, fram­kvæmda­stjóra hjá Alvogen, sem hefur séð um sam­skipti við fjöl­miðla fyrir Róbert Wessmann, for­stjóra Alvogen. Hlutafé félags­ins hefur verið hækkað um alls 308 millj­ónir króna und­an­farin tvö rekstr­arár.

Róbert sjálfur fór út úr hlut­hafa­hópi Dalsins í fyrra. Í apríl í fyrra seldu Róbert, Árni Harð­ar­son, aðstoð­ar­for­stjóri Alvogen, og Jóhann G. Jóhanns­son, sem einnig starfar hjá lyfja­fyr­ir­tæk­inu, hluti sína til Halldórs. Sam­starfs­menn­irnir keyptu Birting sum­arið 2017 eftir að fyr­ir­huguð kaup Björns Inga Hrafns­sonar og fjöl­miðla­sam­steypunnar Pressunnar á útgáfu­fé­lag­inu urðu að engu.

Birt­ingur hafði áður sett tug­millj­óna króna hlutafé inn í Pressuna vorið 2017 en miklar deilur komu upp í kjöl­farið þegar í ljós kom að helstu eignir félags­ins höfðu áður verið seldar félag­inu Dalsdal ehf. í eigu Sigurðar G. Guð­jóns­sonar lög­manns, nú eig­anda DV. Standa mála­ferli vegna þessa enn yfir í tengslum við slita­með­ferð á Press­unni.