Þórólfur Gíslason er kaup­fé­lags­stjóri Kaup­fé­lags Skag­firð­inga, sem er langstærsti atvinnu­rek­andi og vinnu­veit­and­inn í Skaga­firði. Hann sat í mið­stjórn Fram­sókn­ar­flokks­ins um ára­bil og er sagður hafa tals­verð ítök innan flokks­ins. Á síð­asta ári námu almennar tekjur hans rúmum 6 millj­ónum króna á mán­uði. Þar að auki fékk hann 5 millj­ónir í fjár­magnstekjur.

Kaup­fé­lagið rekur fjölda dótt­ur­fé­laga, meðal ann­ars útgerð­ina FISK Seafood og Fóð­ur­blönd­una, og hefur notið góðs af tengsl­unum við Fram­sókn­ar­flokk­inn í gegnum tíð­ina, t.d. þegar Halldór Ásgríms­son þáver­andi for­maður flokks­ins beitti sér fyrir því að hluta­bréf í trygg­inga­fé­lag­inu VÍS yrðu seld út úr Lands­bank­anum árið 2002 og Kaup­fé­lagið fékk að kaupa slík bréf ásamt Skinney Þinga­nesi, útgerð­ar­fyr­ir­tæki fjöl­skyldu Halldórs. Þórólfur greiddi sér 60 millj­óna króna arð út úr eign­ar­halds­fé­lagi sínu, Háuhlið 2 ehf., árið 2016 og 90 millj­ónir í fyrra.

Hátekju­list­ann má sjá hér.