Stundin gefur í dag út prentút­gáfu með lista yfir rúm­lega tvö þús­und tekju­hæstu Íslend­inga út frá skatt­greiðslum árs­ins 2018 í sér­stöku hátekju­blaði. Er þetta í fyrsta skipti sem svo ítar­legar upp­lýs­ingar um tekju­hæsta 1 pró­sentið á Íslandi eru gefnar út á prenti.

Stundin #99

Upp­lýs­ing­arnar eru ann­ars eðlis en þær sem koma fram í tekju­blöðum Frjálsrar versl­unar og DV. Í fyrsta lagi er aðeins litið efst í tekju­stig­ann og ein­stak­lingar flokk­aðir eftir sveit­ar­fé­lögum en ekki starfs­stéttum. Í öðru lagi tekur umfjöll­unin ekki aðeins til atvinnu­tekna og líf­eyr­is­tekna heldur einnig fjár­magnstekna.

Í blað­inu er rýnt sér­stak­lega í stöðu tekju­hæsta 0,1 pró­sents­ins á Íslandi, en sá hópur sam­anstendur að miklu leyti af eig­endum og stjórn­endum fyr­ir­tækja, útgerð­ar­mönnum, banka­mönnum, fjár­festum, fólki sem seldi hluta­bréf í fyr­ir­tækjum fyrir umtals­verða fjár­muni í fyrra eða erfði miklar eignir. Alls runnu um 46 millj­arðar til þessa hóps, þar af 76 pró­sent í formi fjár­magnstekna sem bera mun lægri skatt en launa­tekjur. Þannig greiddi tekju­hæsta 0,1 pró­sentið greiddi um 26 pró­sent tekna sinna í skatt árið 2018. 

Ítarleg umfjöllun birt­ist í prentút­gáfu Stund­ar­innar sem nálg­ast má raf­rænt hér.