Þessi grein birtist upphaflega í Stundinni fyrir meira en 6 árum.

Seldu nær heila götu og fengu 2,2 milljarða hvor

Berg­þór Jóns­son og Fritz Hendrik Berndsen seldu fast­eigna­fé­lag til Reita á 5,9 millj­arða króna í fyrra. Fjár­magn­s­tekj­ur þeirra námu sam­tals 4,4 millj­örð­um og greiddu þeir tæp­an millj­arð í fjár­magn­s­tekju­skatt. Fé­lag­ið leig­ir að mestu til op­in­berra að­ila á fjár­lög­um og greiddu Reit­ir sér í kjöl­far­ið 149 millj­ón­ir í arð úr fé­lag­inu.

Seldu nær heila götu og fengu 2,2 milljarða hvor
Bergþór Jónsson Fritz og Bergþór greiddu tæpan milljarð í skatt af fjármagnstekjum sínum í fyrra. Mynd: mbl/Þorkell

Bergþór Jónsson og Fritz Hendrik Berndsen, sem starfað hafa saman í byggingariðnaðinum um nokkurt skeið, fengu hvor um sig 2,2 milljarða í fjármagnstekjur í fyrra, eða samtals 4,4 milljarða króna, samkvæmt álagningarskrá ríkisskattstjóra.

Bergþór og Fritz, sem reka saman fjölda fasteigna- og byggingafélaga, meðal annars félagið Mótás, seldu fasteignafélag sitt Vínlandsleið ehf. til Reita á 5,9 milljarða króna í fyrra. Félagið á rúmlega 18.000 leigufermetra af húsnæði í nær öllum fasteignum við samnefnda götu. Þessar fasteignir eru Vínlandsleið 2-4, 6-8, 12-14 og 16 auk Norðlingabrautar 14. Áttu Bergþór og Fritz hvor um sig helming í félaginu.

„Við leggjum eitthvað gott til þjóðfélagsins“

Eignirnar eru í útleigu til 12 aðila, en flestir þeirra eru opinberir aðilar sem eru á fjárlögum ríkisins. Þeir eru Sjúkratryggingar Íslands, Matís ohf., Lögreglustjórinn á höfuðborgarsvæðinu, Lyfjastofnun og Fjölmennt. Leigutekjur á ársgrunni eru um 440 milljónir króna og er meðaltími leigusamninga um 13 og hálft ár.

„Við vorum bara að selja fasteignafélag á síðasta ári,“ segir Bergþór aðspurður um fjármagnstekjur sínar á síðasta ári. „Það voru Reitir sem keyptu þetta af okkur.“

VínlandsleiðFélagið á flest húsin við götuna og eru fasteignirnar að mestu í útleigu til opinberra aðila.

Leiddu kaupin til þess að áætlaður rekstrarhagnaður Reita hækkaði um 350 milljónir króna á ársgrundvelli samkvæmt tilkynningu félagsins til kauphallarinnar. Afkoma ársins var rúmar 28 milljónir króna árið 2017 á meðan Bergþór og Fritz áttu félagið, en 3,1 milljarður króna árið 2018. Má hagnaðinn alfarið rekja til matsbreytinga fjárfestingareigna, samkvæmt ársreikningi 2018. Reitir tóku við félaginu í september það ár og greiddi Vínlandsleið Reitum 149 milljónir króna í arð á árinu. Eignir félagins í lok ársins voru metnar á tæpa 6,3 milljarða króna og nam eigið fé 3,7 milljörðum.

Launatekjur Bergþórs árið 2018 voru hins vegar aðeins 290 þúsund krónur á mánuði og launatekjur Fritz 446 þúsund krónur á mánuði. Greiddu þeir því samtals aðeins um 1,3 milljónir króna í útsvar á árinu, en báðir eru búsettir í Reykjavík. Segir Bergþór að engin starfsemi sé í félagi þeirra Mótási lengur.

Af fjármagnstekjunum renna um 486 milljónir króna til ríkissjóðs í formi fjármagnstekjuskatts. „Við leggjum eitthvað gott til þjóðfélagsins,“ segir Bergþór.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Tekjulistinn 2019

Mest lesið

Mest lesið

Mest lesið í vikunni

„Ég er mjög stolt af því að hafa tekið þennan slag“
1
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

„Ég er mjög stolt af því að hafa tekið þennan slag“
6
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

Nýtt efni

Mest lesið undanfarið ár