Allir við­staddir þing­menn Mið­flokks­ins kusu gegn þings­á­lykt­un­ar­til­lögu um stofnun ráð­gjaf­ar­stofu fyrir inn­flytj­endur, einir þing­manna. Þings­á­lykt­unin var sam­þykkt á Alþingi á mánu­dag.

Markmið með stofn­un­inni er að koma á fót mið­lægri upp­lýs­inga­stofu „þar sem inn­flytj­endur geta sótt allar þær upp­lýs­ingar um þjón­ustu, rétt­indi og skyldur sem auð­velda þeim að koma sér fyrir í nýju sam­fé­lagi“, eins og segir í þings­á­lykt­un­ar­til­lög­unni sem þing­menn Vinstri grænna lögðu fram. Ráð­gjaf­ar­stofan byggir á erlendri fyr­ir­mynd og verður sam­vinnu­verk­efni ríkis og sveit­ar­fé­laga.

„Það er stórt skref hjá öllum að flytj­ast til ann­ars lands og hefja þar nýtt líf,“ segir í grein­ar­gerð til­lög­unnar. „Ýmsar ástæður búa að baki því skrefi, en hvort sem það er stigið af sjálfs­dáðum eða af illri nauð­syn er öllum í hag að njóta sem bestrar leið­sagnar um hið nýja sam­fé­lag. Það gerir breyt­ingar á högum fólks létt­ari og stuðlar um leið að því að fólk verður mun fyrr virkt í sam­fé­lag­inu og getur fyrr farið að gefa af sér. Það er því mik­il­vægt að allir geti á einum stað sótt sér upp­lýs­ingar um hið nýja sam­fé­lag, hvaða rétt­indi og þjón­usta þar bjóð­ast, en einnig um þær skyldur sem íbúar þurfa að upp­fylla.“

Sjö af þing­mönnum Mið­flokks­ins lögð­ust gegn mál­inu, en Gunnar Bragi Sveins­son og Sig­mundur Davíð Gunn­laugs­son voru fjar­ver­andi við atkvæða­greiðslu. Alls greiddu 49 af 63 þing­mönnum atkvæði með og var málið því sam­þykkt. Félags- og barna­mála­ráð­herra skal til­kynna Alþingi áætlun um verkið fyrir ára­mót.