Bjarni Bene­dikts­son fjár­mála­ráð­herra hitti Frans páfa í dag á fundi fjár­mála­ráð­herra í Vatík­an­inu. Vís­inda­aka­demía Páfa­garðs boð­aði til fund­ar­ins sem er liður í starfi nýstofn­aðs alþjóð­legs vett­vangs ráð­herr­anna og ætlað að hvetja til aðgerða í lofts­lags­málum í krafti reglu­verks og ákvarð­ana á sviði rík­is­fjár­mála og fjár­mála­mark­aða. 

„Við ætlum að leggja okkar af mörkum til að mæta lofts­lags­vand­anum,“ sagði Bjarni í ræðu sinni að því er fram kemur á vef stjórn­ar­ráðs­ins. Sagði hann Ísland hafa verið leið­andi í orku­skiptum, með því að nýta hreinar auð­lindir til hús­hit­unar og raf­orku­fram­leiðslu.

Ætlunin væri að taka enn frek­ari skref, með orku­skiptum í sam­göngum og upp­bygg­ingu inn­viða fyrir raf­bíla, enda hefði rík­is­stjórnin sett sér mark­mið um kolefna­hlut­leysi árið 2040. Jafn­framt gæti fram­lag Íslands falið í sér útflutn­ing á þekk­ingu á nýt­ingu fall­orku og jarð­hita, sem og áfram­hald­andi rann­sóknir og þróun, meðal ann­ars á nið­ur­dæl­ingu koltví­sýr­ings.