Silja Dögg Gunn­ars­dóttir, þing­maður Fram­sókn­ar­flokks­ins, gagn­rýnir Mið­flokk­inn harð­lega á Facebook og fer ófögrum orðum um Sigmund Davíð Gunn­laugs­son, sinn fyrr­ver­andi for­mann.

Segir Silja tíma­bært að Mið­flokks­menn komi hreint fram og við­ur­kenni að þeir vilji „hætta öllu sam­starfi við hættu­lega útlend­inga - hætta í EFTA og segja sig frá EES samn­ingnum“. Þetta sé það sem mál­flutn­ingur þeirra og hama­gangur gegn þriðja orku­pakk­anum beri með sér. 

„Sorglega fyndið, og eig­in­lega kald­hæðn­is­legt, að flokkur sem telur sig fylgja sterkum, kjark­miklum for­ingja, sé svona skít­hræddur við erlent sam­starf. Að trúa því að menn bíði í röðum að hrifsa eitt­hvað af okkur. Að engu sé treystandi, síst af öllu sam­starfs­þjóðum okkar til ára­tuga,“ skrifar hún.

„Kald­hæðn­is­legt að flokkur sem telur sig
fylgja sterkum, kjark­miklum for­ingja sé svona skít­hræddur við erlent sam­starf“

Færsla Silju er vitn­is­burður um þá gjá sem hefur mynd­ast milli Fram­sókn­ar­þing­manna og fyrr­ver­andi for­ystu­manna Fram­sókn­ar­flokks­ins, þeirra Sig­mundar Davíðs og Gunnars Braga Sveins­sonar sem klufu sig út úr Framsókn og stofn­uðu nýjan flokk árið 2017, Mið­flokk­inn sem nú er stærsti stjórn­ar­and­stöðu-flokk­ur­inn á Alþingi þökk sé liðs­auk­anum sem barst í kjöl­far Klaust­urs­máls­ins. 

Sem kunn­ugt er hefur Mið­flokk­ur­inn beitt sér af mik­illi hörku gegn inn­leið­ingu þriðja orku­pakk­ans í íslenskan rétt og haldið því fram að ESB-gerð­irnar ógni full­veldi Íslands.

„Mið­flokk­ur­inn er eini flokk­ur­inn sem talar með þessum hætti í orku­pakka­mál­inu,“ skrifar Silja. „Í þeim þing­flokki er fólk sem faldi pen­inga í Panama, laug ítrekað að þjóð­inni, fólk sem mætti ekki til vinnu í heilt ár og þáði samt laun fyrir og fólk sem afhjúpaði mann­fyr­ir­litn­ingu sína á Klaust­ur­bar fyrir stuttu síðan. Segir það ekki eitt­hvað um trú­verð­leika þeirra mál­flutn­ings?“