„Ekki spila með fram­tíð­ina okkar,“ eru skila­boð 272 ung­menna sem keyptu aug­lýs­ingu í Frétta­blað­inu í dag til stuðn­ings áfram­hald­andi aðild Íslands að EES-samn­ingnum.

„Aug­lýs­ingin er, eins og fram kemur í henni, kostuð af fólk­inu á mynd­unum,“ segir Kristinn Árni L. Hró­bjarts­son, sem sendi til­kynn­ingu fyrir hönd hóps­ins. „Fólkið er allt undir fer­tugu og spannar megnið af hinu póli­tíska lit­rófi, bæði flokks­bundið og óflokks­bundið. Fólkið er af öllum kynjum, með ólíkan bak­grunn, búsett erlendis og víðs­vegar um landið.“

Kristinn segir umræðu um EES-samn­ing­inn und­an­farin miss­eri hafa verið knúna áfram af síend­ur­teknum rang­færslum og ósann­indum, nú síð­ast um þriðja orku­pakk­ann. „Í aðdrag­anda þjóð­ar­at­kvæða­greiðsl­unnar í Bret­landi um úrsögn Breta úr Evr­ópu­sam­band­inu og í for­seta­kosn­ing­unum í Banda­ríkj­unum 2016 svaf ungt fólk á verð­inum með afleið­ingum sem eru öllum ljósar,“ segir hann. „EES samn­ing­ur­inn og annað alþjóð­legt sam­starf hefur fært Íslend­ingum lífs­gæði ótal tæki­færi sem væri óhugs­andi að vera án. Tækifæri eins og frelsi til að ferð­ast, stunda við­skipti, búa og mennta okkur í Evrópu og lengi mætti telja.“

Kristinn segir Íslend­inga njóta góðs af þessu og líta í dag á þessa hluti sem sjálf­sagða. „Því segjum við einum rómi: Ekki spila með fram­tíð okkar.“