Björn Ingi Hrafns­son fjöl­miðla­maður segir að „nokkrir þing­menn“ hafi sett Íslands­met í hræsni með því að styðja frum­varp heil­brigð­is­ráð­herra um þung­un­ar­rof en vera um leið hlynntir banni við nekt­ar­sýn­ingum á veit­inga­stöðum.

„Bar­áttu­konur fyrir kven­frelsi segja nauð­syn­legt að sam­þykkja frum­varp um fóst­ur­eyð­ingar því konur eigi sinn eigin lík­ama og eigi að ráða honum sjálfar. Þær segja nauð­syn­legt að konur geti farið í fóst­ur­eyð­ingu eftir 22. viku með­göngu — þegar með­ganga er langt komin og öllum aug­ljós og fóstrið full­skapað, líf löngu hafið. Ganga þannig lengra en aðrar þjóðir,“ skrifar Björn Ingi á Facebook. 

„En sömu konur vilja banna konum með lögum að dansa naktar. Þar gildir eng­inn sjálfs­á­kvörð­un­ar­réttur eða frelsi kvenna yfir eigin lík­ama. Þá gildir ekki lengur að full­orðin kona viti sjálf hvað er henni fyrir bestu. Á Alþingi í dag settu nokkrir þing­menn nýtt Íslands­met í hræsni.“

Frumvarp til laga um þung­un­ar­rof var sam­þykkt með afger­andi meiri­hluta þing­manna í gær. Bannið við nekt­ar­sýn­ingum á skemmti­stöðum má rekja til laga­breyt­inga sem gerðar voru árið 2009. Fjórir þing­menn sem studdu þung­un­ar­rofs­frum­varpið í gær greiddu atkvæði með nekt­ar­dans­bann­inu á sínum tíma. Þetta eru ráð­herr­arnir Ásmundur Einar Daðason, Guð­laugur Þór Þórð­ar­son og Sigurður Ingi Jóhanns­son og Oddný G. Harð­ar­dóttir þing­flokks­for­maður Sam­fylk­ing­ar­innar.