Seyð­is­fjörður hefur sett erlendum ferða­mönnum leið­bein­andi reglur um fram­komu gagn­vart bæj­ar­búum. Mikill fjöldi ferða­manna kemur til Seyð­is­fjarðar á skemmti­ferða­skipum yfir sum­ar­tím­ann og hefur hegðun þeirra valdið óánægju bæj­ar­búa. Þetta kemur fram í Morg­un­blað­inu í dag.

„Þetta byrj­aði fyrir tveimur árum, þá var hópur sem fór að ræða þessi mál,“ segir Aðal­heiður Borg­þórs­dóttir bæj­ar­stjóri. „Það var orð­inn nettur pirr­ingur því fólk er að taka myndir inn um glugga hjá fólki er jafn­vel að ganga inn í garða. Þetta er pínu­lít­ill bær og það er rosa­lega mikil ferð­manna­um­ferð hér. Þá kvikn­aði þessi hug­mynd.“

Seyð­is­fjörður er fyrstur bæj­ar­fé­laga til að setja sér reglur af þessu tagi. Von er á um 70 skemmti­ferða­skipum til bæj­ar­ins í sumar. Í regl­unum eru ferða­menn meðal ann­ars beðnir um að taka ekki myndir af börnum á leik­völlum nema með leyfi frá for­eldrum. Þá eru þeir beðnir um að ganga vel um nátt­úru lands­ins og skilja ekki eftir sig rusl.

Að sögn Aðal­heiðar þarf bær­inn að koma regl­unum betur á fram­færi. Eru þær unnar í sam­starfi við AECO, sam­tök leið­sögu­skipa­fyr­ir­tækja á norð­ur­slóðum og verður þeim dreift í Norrænu sem siglir viku­lega til Seyð­is­fjarðar á sumrin. „Þetta er nýkomið út og það á eftir að taka langan tíma að koma þessu í umferð en í gegnum AECO mun þetta fara til þeirra skipa­fé­laga sem heyra undir þeirra félaga­sam­tök,“ segir Aðal­heiður.