Ríki Evrópu beita nú ákæru­vald­inu af auk­inni hörku gegn ein­stak­lingum sem fremja svo­kall­aða sam­stöð­u­glæpi [e. crimes of solida­rity] með því að veita flótta- og föru­fólki aðstoð og/eða sýna því sam­stöðu. Fólk er meðal ann­ars sótt til saka fyrir að bjarga lífi sjó­far­enda á flótta, fyrir að veita þeim húsa­skjól í landi, eða fyrir að reyna að koma í veg fyrir að þeim sé vísað úr landi. Þá eru dæmi þess að sjálf­boða­liðar mann­úð­ar­sam­taka séu ákærðir á grund­velli hryðju­verka­laga, símar þeirra hleraðir og/eða banka­reikn­ingar frystir. Þetta er á meðal þess sem fram kemur í nýrri skýrslu frá breskri stofnun sem berst gegn ras­isma í Evrópu, Institute for Race Relations, IRR, en skýrslan ber heitið When witnesses won’t be silenced: citizens’ solida­rity and criminalisation.

Dæmdar fyrir sam­stöð­u­glæpJórunn Edda og Ragn­heiður Freyja voru í byrjun apríl dæmdar í þriggja mán­aða fang­elsi, skil­orðs­bundið til tveggja ára, fyrir að standa upp í flug­vél …