Fréttir

Minnast brautryðjanda í baráttunni gegn kynferðisofbeldi

„Ís­lenska þjóð­in hef­ur líka lært af Pálu að greina frá ef brot­ið er á fólki, og að standa með sjálfri sér þar til rétt­læt­inu er náð,“ skrif­ar vin­kona Sigrún­ar Pálínu Ingvars­dótt­ur í minn­ing­ar­grein. „Þú þold­ir aldrei að vera köll­uð hetja því þú varst bara þú,“ skrif­ar dótt­ir henn­ar.

Minnast brautryðjanda í baráttunni gegn kynferðisofbeldi
Mynd: MBL / Eggert Jóhannesson
Birtist upphaflega í Stundinni fyrir 7 árum.

Ættingar og vinir minnast Sigrúnar Pálínu Ingvarsdóttur, baráttukonu gegn kynferðisofbeldi í minningargreinum í Morgunblaðinu í dag. Útför hennar fer fram frá Vídalínskirkju síðdegis.

„Elsku, elsku mamman mín!“ skrifar Elísabet Ósk, dóttir hennar. „Fleiri þúsund manns þekktu þig sem Sigrúnu Pálínu Ingvarsdóttur, brautryðjanda í baráttunni gegn kynferðisofbeldi á Íslandi. Fleiri hundruð manns þekktu þig sem Pálu því þú varst stjúpmóðir, systir, mágkona, frænka og vinkona.“

Sigrún Pálína barðist fyrir því frá 1996 að Þjóðkirkjan fjallaði um meint kynferðisbrot Ólafs Skúlasonar, þá biskup Íslands. Fleiri konur stigu fram í kjölfarið og greiddi kirkjan þeim bætur eftir hátt á annan áratug.

Elísabet skrifar að fjölskyldan hafi deilt móður sinni með heilli þjóð í þennan tíma. „Þú þoldir aldrei að vera kölluð hetja því þú varst bara þú, að vinna með sannleikanum og kærleikanum og gefa hann áfram svo kirkjan gæti orðið heil. Þín auðmýkt og ást til trúarinnar hefur alltaf gert mig svo stolta af þér! Biskupsmálið hefur alltaf verið stór hluti af okkar lífi, það hefur eyðilagt ótrúlega mikið og mótað okkar fortíð, nútíð og framtíð! Ég myndi aldrei leggja þetta á nokkurn mann en þú lifðir þetta af, þú barðist, þú hrapaðir, fluttist til Danmerkur og við unnum saman á þessu sem fjölskylda og þú sigraðir! En þú, elsku mamman mín, varst svo mikið meira en biskupsmálið og sú manneskja sem fólk þekkti í gegnum það!“

Frænka Sigrúnar Pálínu, Magnea Björg, tekur í sama streng. „Alveg til hins síðasta var sterkur baráttuvilji þinn til staðar og smitaði alla sem voru í kringum þig. Það var mjög lærdómsríkt ferli að fara með þér í gegnum baráttu þína gegn kynferðisofbeldi. Þá átt mikinn heiður skilinn fyrir þrautseigju þína þar.“

Þá segir Hildur Jónsdóttir, frænka Sigrúnar Pálínu og vinkona, að hún hafi búið yfir mikilli næmni og réttlætiskennd. „Íslenska þjóðin hefur líka lært af Pálu að greina frá ef brotið er á fólki, og að standa með sjálfri sér þar til réttlætinu er náð. Takk fyrir svo margt, elsku frænka mín og vinkona. Ég kveð þig í Guðs friði.“

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

„Já“ þarf mörgum sinnum en „nei“ bara einu sinni
5
GreiningHorft til Evrópu

„Já“ þarf mörg­um sinn­um en „nei“ bara einu sinni

Ef „nei“ verð­ur nið­ur­stað­an á morg­un leggst Evr­ópu­um­ræð­an í dvala en skýt­ur upp koll­in­um síð­ar að mati Ól­afs Þ. Harð­ar­son­ar, pró­fess­ors emer­it­us. Verði „já“ nið­ur­stað­an þyrfti að kom­ast yf­ir marga þrösk­ulda áð­ur en Ís­land gengi í ESB, hvað þá tæki upp evru. Mörg rök „nei“-hreyf­ing­ar­inn­ar séu einnig rök gegn áfram­hald­andi veru í EES.
Vildu ekki koma aftur til Íslands með 100 manna hóp
6
InnlentHorft til Evrópu

Vildu ekki koma aft­ur til Ís­lands með 100 manna hóp

Vil­borg Arna Giss­ur­ar­dótt­ir tók á móti 100 frönsk­um kon­um sem komu hing­að til að keppa í vetr­arí­þrótt­um. Kostn­að­ur­inn kom í bak­ið á skipu­leggj­end­um móts­ins sem ákváðu að fara næst til Finn­lands. Finn­ar hafa nýtt styrki ESB við upp­bygg­ingu heim­skauta­ferða­mennsku, en Vil­borg vann að verk­efni í byggða­þró­un á Suð­ur­landi sem fékk 100 millj­óna styrk þeg­ar Ís­land var síð­ast í að­ild­ar­við­ræð­um.

Mest lesið

Mest lesið í vikunni

Hvar eru skattgreiðslur þeirra auðugustu?
4
Hátekjulistinn

Hvar eru skatt­greiðsl­ur þeirra auð­ug­ustu?

Marg­ir þeirra efstu á Há­tekju­lista Heim­ild­ar­inn­ar í ár seldu fyr­ir­tæki sem þeir höfðu byggt upp í ára­tugi og fengu ein­skipt­is hagn­að. Kerf­ið ger­ir hins veg­ar auð­ug­ustu Ís­lend­ing­um auð­velt að halda arði og hagn­aði af eigna­sölu inni í fé­lög­um sín­um án þess að greiða af þeim skatt. Rík­ið borg­aði út­svar þeirra á list­an­um sem ein­göngu voru með fjár­magn­s­tekj­ur.

Mest lesið í mánuðinum

Mest lesið í mánuðinum

Nýtt efni

„Eins spennandi og það gæti orðið“
InnlentHorft til Evrópu

„Eins spenn­andi og það gæti orð­ið“

Mjótt er á mun­um í þjóð­ar­tkvæða­greiðslu um hvort Ís­land eigi að fara í að­ild­ar­við­ræð­ur við Evr­ópu­sam­band­ið. Hall­dór Benja­mín Þor­bergs­son fagn­aði á með­an nei var yf­ir og sagði að í dag hafi tæp­lega 300 mætt til þess að hringja út, 19 hafi hringt yf­ir 400 sím­töl hver og einn yf­ir 700 sím­töl. Sig­mund­ur Dav­íð Gunn­laugs­son seg­ir að bú­ið sé að kljúfa þjóð­ina og Reykja­vík frá lands­byggð­inni. Þor­gerð­ur Katrín Gunn­ars­dótt­ir seg­ir að sama hvernig fer þá sé­um „við öll í sama liði“.

Mest lesið undanfarið ár