Lækkun sér­staka skatts­ins á fjár­mála­fyr­ir­tæki, banka­skatts­ins svo­kall­aða, mun kosta rík­is­sjóð sam­tals 18,3 millj­arða á kjör­tíma­bil­inu.

Þetta kemur fram í grein­ar­gerð frum­varps um lækkun skatts­ins sem Bjarni Bene­dikts­son fjár­mála­ráð­herra lagði fram á Alþingi í dag.

„Með frum­varp­inu er komið til móts við gagn­rýni hags­muna­að­ila á fjár­hæð sér­staks skatts á fjár­mála­fyr­ir­tæki í því skyni að liðka fyrir lækkun útlána­vaxta og hækkun inn­eign­ar­vaxta til hags­bóta fyrir almenn­ing,“ segir í grein­ar­gerð­inni.

Banka­skatt­ur­inn var inn­leiddur í tíð vinstri­st­jórn­ar­innar en hækk­aður umtals­vert og jafn­framt lát­inn taka til fjár­mála­fyr­ir­tækja í slita­með­ferð í tíð rík­is­stjórnar Sig­mundar Davíðs Gunn­laugs­sonar.

Með frum­varpi Bjarna Bene­dikts­sonar er lagt til að gjald­hlut­fall skatts­ins lækki í fjórum jöfnum áföngum á árunum 2020 til 2023, úr 0,376 pró­sentum niður í í 0,145 pró­sent frá og með árinu 2023.

Er þetta í sam­ræmi við fyr­ir­heit sem rík­is­stjórnin hefur gefið í stjórn­ar­sátt­mála og fjár­mála­á­ætl­unum sínum.