Vonsvikin yfir tillögum ríkisstjórnarinnar og segja að tilboð SA hefði „leitt til kaupmáttarrýrnunar fyrir stóra hópa launafólks“

For­ystu­fólk VR, Eflingar, VLFA og VLFG lýsir reiði og sárum von­brigðum með þær til­lögur sem rík­is­stjórnin lagði fram á fundi með for­seta og vara­for­setum ASÍ í dag. Vil­hjálmur Birg­is­son, for­maður VLFA, rauk af fund­inum.

„Viðræður hafa staðið tæpt eftir að SA lögðu fram til­boð í síð­ustu viku sem leitt hefði til kaup­mátt­arrýrn­unar fyrir stóra hópa launa­fólk,“ segir í til­kynn­ingu frá félög­unum. „SA höfn­uðu í kjöl­farið sann­gjörnu gagntil­boði sam­flots­fé­lag­anna. Vonir stóðu til að aðkoma stjórn­valda gæti hleypt glæðum í við­ræður. Ljóst er að til­lögur stjórn­valda gera þær vonir að engu.“

Fundað verður í bak­landi stétt­ar­fé­lag­anna næstu daga fyrir fund for­manna þeirra með Samtökum atvinnu­lífs­ins hjá Rík­is­sátta­semj­ara á fimmtu­dag. „Sam­flots­fé­lögin standa sam­einuð og stað­föst í kröf­unni um að launa­fólk geti lifað af launum sínum og að stjórn­völd geri löngu tíma­bærar kerf­is­breyt­ingar í rétt­læt­isátt,“ segir í til­kynn­ing­unni.