Þetta og svo ótal margt fleira er á döf­inni næstu tvær vik­urnar

Norrænar kvikmyndir í fókus

Hvar? Norræna húsið
Hvenær? Til 24. febr­úar
Aðgangs­eyrir: Ókeypis!

Myndir Roy And­er­sons, eins þekktasta kvik­mynda­gerð­ar­manns Norð­ur­landa, eru sýndar á þess­ari kvik­mynda­há­tíð. Anderson dregur reglu­verk, við­mið og stofn­anir sam­fé­lags­ins gjarnan sundur og saman í beittu háði, en sýnir þau sem standa utan­garðs eða verja von­lausan mál­stað í jákvæð­ara ljósi. Þrjár myndir And­er­sons sem fjalla um hvað það þýðir að vera mann­eskja verða til sýnis auk fimm stutt­mynda hans.

Hluti í stað heildar

Hvar? Hafn­ar­húsið
Hvenær? Til 19. maí.
Aðgangs­eyrir: 1.800 kr.

Á sýn­ingu Önnu Guð­jóns­dóttur umbreyt­ist sýn­ing­ar­sal­ur­inn í nokk­urs konar sýn­ing­ar­skáp sem gestir ganga inn í, umvafðir mál­verkum Önnu sem spegla rýmið sjálft og opna jafn­framt inn í aðra og ófyr­ir­séða heima. Anna kallar fram hug­myndir sínar í þess­ari sýn­ingu með til­vísun í lands­lag og bygg­ing­ar­list ásamt því að styðj­ast við form sýn­ing­ar­s­kápa. 24. febr­úar kl. 15.00 verður sér­stök leið­sögn lista­manns­ins þar sem Anna ræðir um sýn­ing­una við gesti.

Heiðurstónleikar Freddie Mercury

Hvar? Harpa
Hvenær? 22. & 23. febr­úar kl. 21.00
Aðgangs­eyrir: Frá 5.490 kr.

Þrátt fyrir að hafa lát­ist fyrir rúm­lega 27 árum þá lifir minn­ing Freddie Mercury, söngv­ara goð­sagna­kenndu hljóm­sveit­ar­innar Queen, enn góðu lífi í dag. Sex íslenskir söngv­arar með full­mann­aðri hljóm­sveit og radd­sveit taka ábreiður af lögum eins og „Barcelona“, „Bohemian Rhapsody“, „Killer Queen“ og fleiri.

Ég býð mig fram

Hvar? Tjarn­ar­bíó
Hvenær? 24. feb & 1. mars kl. 20.00
Aðgangs­eyrir: 3.900 kr.

Önnur sería af lista­há­tíð­inni Ég býð mig fram lítur nú dags­ins ljós, en hún felur í sér að einn flytj­andi fer með fjórtán örverk eftir fjórtán mis­mun­andi höf­unda á einu kvöldi. Yfirlýst mark­mið hátíð­ar­innar er að brjóta niður veggi og færa list­sköp­un­ina nær almenn­ingi í eins konar smá­rétta­hlað­borði. Meðal höf­unda eru Ilmur Stef­áns­dóttir, Ingvar E. Sig­urðs­son, Ólafur Darri Ólafsson og fleiri.

Um hvað syngjum við

Hvar? Borg­ar­leik­húsið
Hvenær? 24. & 28. febr­úar kl. 20.00
Aðgangs­eyrir: 5.900 kr.

Nýjasta verk Íslenska dans­flokks­ins er eftir belgíska dans­höf­und­inn Pieter Ampe sem fjallar um mann­eskjur sem verja drjúgum tíma saman. Átta dans­arar skipt­ast á spurn­ingum, dansa og syngja; sum þeirra eru frá Íslandi, önnur eru lengra að komin, en öll nota þau tæki­færið til að líta í eigin barm og spyrja sig spurn­inga.

Stockfish kvikmyndahátíð

Hvar? Bíó Paradís
Hvenær? 28. feb til 10. mars
Aðgangs­eyrir: 12.900 kr.

Stockfish kvik­mynda­hjá­tíðin er haldin í fimmta skiptið, en hún er ráð­stefnu­há­tíð fag­fólks í kvik­mynda­brans­anum. 20 sér­valdar alþjóð­legar verð­launa­myndir eru sýndar á hátíð­inni, meðal ann­ars heim­ild­ar­myndin Anthropocene: The Human Epoch sem fjallar um áhrif manns­ins á jörð­ina. Einnig keppa sex íslenskar stutt­myndir um Sprett­fisksverð­launin.

Allt er ómælið – útgáfutónleikar

Hvar? Mengi
Hvenær? 2. & 3. mars kl. 21.00
Aðgangs­eyrir: 2.000 kr.

Allt er ómælið er ný jazzplata þeirra Tuma Árna­sonar og Magnúsar Trygva­sonar Eliassen, en hún er senni­lega sú fyrsta í sögu íslenskrar hljóm­plötu­út­gáfu sem inni­heldur ein­göngu dúetta fyrir sax­ó­fón og slag­verk. Á plöt­unni má heyra níu ný verk í flutn­ingi höf­unda, bæði for­samin og frjálsa spuna.

Elja ensemble

Hvar? Harpa
Hvenær? 3. mars kl. 12.00
Aðgangs­eyrir: 3.500 kr.

Kamm­er­sveitin Elja ens­emble er skipuð ungu tón­list­ar­fólki sem er flest vel á veg komið með að skapa sér sess sem ein­leik­arar og við hljóm­sveit­ar­stjórn eða list­ræna stjórnun. Sveitin heldur sér­staka hádeg­is­tón­leika á tón­leika­röð­inni Sígildir sunnu­dagar þar sem flutt verður fjöl­breytt dag­skrá sem spannar klass­íska tíma­bilið til dags­ins í dag.