Þessi grein birtist upphaflega í Stundinni fyrir meira en 6 árum.

Lifandi málverk, töfrandi raunveruleiki, og gamalt pönk

Tón­leik­ar, sýn­ing­ar og við­burð­ir 8.–21. fe­brú­ar.

Lifandi málverk, töfrandi raunveruleiki, og gamalt pönk

Þetta og svo ótal margt fleira er á döfinni næstu tvær vikurnar.

Fígúrur í landslagi

Hvar? I8
Hvenær? Til 16. mars
Aðgangseyrir: Ókeypis!

Sjö skjáir tróna á veggjum gallerísins, en í hverjum þeirra er sólarhringslangt myndbandsverk eftir Ragnar Kjartansson. Vísindamenn í hvítum sloppum sjást vafra stefnulaust um það sem við fyrstu sýn lítur út eins og málverk, en Ragnar segir að hvert og eitt þeirra tengist á einn eða annan hátt sósíalrealisma í anda þess sem dafnaði í Sovétríkjunum.

Fræbbblarnir

Hvar? Hard Rock
Hvenær? 8. febrúar kl. 22.00

Árið 1978 fæddist fyrsta tæknifrjóvgaða barnið, 900 meðlimir sértrúarsöfnuðar Jim Jones í Gvæjana frömdu sjálfsvíg, og Fræbbblarnir stigu fyrst á svið. Á þeim tæpu 41 ári sem hafa liðið hefur þessi elsta pönkhljómsveit Íslands spilað á ógrynni af tónleikum, en þeir halda áfram að gera það enn þann dag í dag.

Umrót

Hvar? Hafnarborg
Hvenær? Til 17. mars
Aðgangseyrir: Ókeypis!

Verk Mörtu Maríu eru óhlutbundin, á mörkum teikningar og málverks, og myndheimurinn ljóðrænn og opinn. Þau sýna óræðan heim sem er við það að leysast upp, heim sem er á mörkum þess að myndast eða eyðast. Pensilstrokur og flæði litarins virka sem stoðir málverksins, liggja ekki ofan á myndfletinum heldur byggja upp myndina.

Ben Frost

Hvar? Mengi
Hvenær? 8. febrúar kl. 21.00
Aðgangseyrir: 3.500 kr.

Ástralsk-íslenski tónlistarmaðurinn Ben Frost spilar í fyrsta skiptið á Mengi, en hann mun flytja Widening Gyre sem er tónleikaútgáfa plötunnar The Centre Cannot Hold sem kom út árið 2017. Þá hefur Ben hannað hljóðrýmið eins og unnið var að plötunni í stúdíói. Áhorfandinn situr inni í miðri hringiðu fjölpunkta hljóðumhverfis sem er ætlað til að örva skilningarvitin.

Vetrarhátíð

Hvar? Höfuðborgarsvæðið
Hvenær? Til 10. febrúar
Aðgangseyrir: Fer eftir viðburði

Vetrarhátíð Reykjavíkur er hátíð ljóss og myrkurs, en um 150 stakir viðburðir tengjast hátíðinni. Á föstudaginn 8. febrúar er Safnanótt, en þá opna 53 söfn dyr sínar endurgjaldslaust og frítt verður í sérstakan Safnarnæturstrætó á milli safna. Laugardaginn 9. febrúar er síðan Sundlaugarnótt, en þá verður frítt í tólf sundlaugar frá 15.00–22.00.

Velkomin heim!

Hvar? Þjóðleikhúsið
Hvenær? 9., 10., & 15. febrúar
Aðgangseyrir: 6.200 kr.

Í þessari leiksýningunni segir leikkonan María Thelma Smáradóttir sögu móður sinnar, Völu Rúnar, sem fæddist á hrísgrjónaakri í Taílandi um miðja 20. öldina. Vala þekkti ekki föður sinn og missti móður á ungum aldri, en flutti til Íslands fyrir 26 árum þrátt fyrir að kunna ekki málið og þekkja engan. Samt leið henni frekar eins og hún væri komin heim á Íslandi en henni leið undir lokin í Taílandi.

Hringur, ferhyrningur og lína

Hvar? Kjarvalsstaðir
Hvenær? 8. febrúar til 28. apríl
Aðgangseyrir: 1.800 kr.

Verk Eyborgar Guðmundsdóttur byggja á fyrirmyndum geómetrískrar abstraktlistar þar sem sjónræn áhrif reglubundinna forma eru megináherslan, stíll sem kenndur er við „Op-list“. Ferill Eyborgar spannaði fimmtán ár, en hún náði að þróa persónulegt myndmál sem einkenndist af einföldum formum og sjónarspili sem sést í þessari yfirlitssýningu.

Dj. flugvél og geimskip, Axis Dancehall

Hvar? Iðnó
Hvenær? 20. febrúar kl. 20.00
Aðgangseyrir: 500 kr.

Dj. flugvél og geimskip er hliðarsjálf listakonunnar Steinunnar Eldflaugar, en í því hlutverki flytur Steinunn lög um töfróttan raunveruleika þar sem viti bornar skepnur eiga flókið tilfinningalíf. Hún fagnar útgáfu plötunnar Our Atlantis á þessum tónleikum, en með henni spila stuðboltarnir Axis Dancehall sem fagna útgáfu plötunnar Celebs.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

Mest lesið

Mest lesið í vikunni

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár