Þing­flokks­for­menn rík­is­stjórn­ar­flokk­anna segja að frá­vís­un­ar­til­laga Jóns Gunn­ars­sonar og stuðn­ingur þing­manna meiri­hlut­ans, utan Rósu Bjarkar Brynj­ólfs­dóttur, í umhverfis- og sam­göngu­nefnd Alþingis við hana hafi ekki verið stuðn­ings­yf­ir­lýs­ing við nefnd­ar­for­mennsku Bergþórs Ólasonar. Óvissa hafi verið um hvort til­lagan væri tæk.

Þetta kemur fram í til­kynn­ingu sem þing­flokks­for­menn Vinstri grænnar, Sjálf­stæð­is­flokks og Fram­sókn­ar­flokks hafa sent frá sér. Í til­kynn­ing­unni kemur ekki fram hvort stjórn­ar­flokk­arnir séu and­snúnir setu Bergþórs Ólasonar sem for­manns, heldur ein­göngu að ekki hafi verið um stuðn­ings­yf­ir­lýs­ingu við hann að ræða. Þar kemur fram að umrædd frá­vís­un­ar­til­laga hafi ein­ungis snúið að því að setja hafi átt Bergþór af en ekki hafi legið fyrir til­laga um nýjan for­mann. Óvissa hafi verið um hvort til­lagan væri tæk.

Í fyrri frétt Stund­ar­innar kemur hins vegar fram að þing­kon­urnar sem lögðu fram til­lög­una um að setja Bergþór af ósk­uðu eftir fund­ar­hléi svo unnt væri að kanna hvort til­lagan væri tæk. Var þá ætl­unin að gera breyt­ingar á til­lög­unni ef nið­ur­staðan væri sú að svo væri ekki. Á þetta var ekki fall­ist.

Hér má sjá hvernig Bergþór Ólason tal­aði um konur á veit­inga­staðnum Klaustri í fyrra.

Í yfir­lýs­ingu þing­flokks­for­mann­anna kemur fram að for­mennska í umhverfis- og sam­göngu­nefnd sé hluti af sam­komu­lagi milli meiri­hlut­ans á Alþingi og minni­hlut­ans. „Samkvæmt sam­komu­lagi þing­flokks­for­manna í kjöl­far þing­kosn­inga 2017 féll for­mennska í þremur nefndum í skaut stjórn­ar­and­stöðu­flokka og for­mennska í fimm nefndum í skaut stjórn­ar­flokk­anna. Það er á for­ræði þing­flokks­for­manna ef breyta á sam­komu­lag­inu og hafa þannig áhrif á nefnd­ar­for­mennsku,“ segir í yfir­lýs­ing­unni.

Í 14. grein þing­skapa Alþingis er rakið hvernig kosið skuli í fasta­nefndir Alþingis. Þar er til­tekið að á þing­setn­ing­ar­fundi skuli for­menn þing­flokka leggja fram við kosn­ingu fasta­nefndar til­lögu um skipun nefnd­anna, byggða á hlut­falls­legum þing­styrk flokka og jafn­fram að til­greina skuli hvernig emb­ættum sé skipt milli þing­flokka.

Hins vegar segir einnig í 4. máls­grein 14. greinar: „Nefnd getur hvenær sem er kosið að nýju for­mann eða vara­for­menn ef fyrir liggur beiðni meiri hluta nefnd­ar­manna og fellur þá hin fyrri kosn­ing úr gildi er ný kosn­ing hefur farið fram.“ Þannig er aug­ljóst að það þarf ekki ein­göngu að vera á for­ræði þing­flokks­for­manna að ákveða hvernig nefnd­ar­for­mennsku er háttað.