Þór­hildur Sunna Ævars­dóttir, þing­kona Pírata og for­maður laga-og mann­rétt­inda­nefndar Evr­ópu­ráðs, hvetur Sighvat Björg­vins­son, fyrr­ver­andi heil­brigð­is­ráð­herra, til að kynna sér betur þau lög sem gilda um nauð­ung­ar­vist­anir á Íslandi.

Sig­hvatur birti grein í Morg­un­blað­inu í dag þar sem hann gagn­rýnir pistil Þór­hildar Sunnu um mál Aldísar Schram og Jóns Baldvins Hanni­bals­sonar og rétt­ar­stöðu nauð­ung­ar­vi­staðra sem birt­ist á vef Stund­ar­innar fyrir helgi. Telur Sig­hvatur að Þór­hildur dragi upp vill­andi mynd af lögum og laga­fram­kvæmd á Íslandi. 

„Sig­hvatur lýsir upp­lifun sinni af nauð­ung­ar­vist­unum í fjöl­skyldum vina­fólks síns í grein­inni og ég dreg hana svo sem ekk­ert í efa,“ segir Þór­hildur Sunna í sam­tali við Stundina. „Til að gagn­rýni geti talist mál­efna­leg verður hún þó að byggja á fleiru en reynslu­sögum eða til­finn­ingum eins manns. Sig­hvatur seg­ist hafa lesið yfir lögin og kemur með ýmsar stað­hæf­ingar út frá því sem ég hyggst svara sér­stak­lega á næst­unni. En svo það sé sagt að þá byggi ég mína gagn­rýni á til­mælum Evr­ópu­nefndar um varnir gegn pynt­ingum og annarri van­virð­andi eða ómann­úð­legri með­ferð eða refs­ingu til íslenskra stjórn­valda í gegnum árin.“

Þór­hildur Sunna bendir á að nefndin sé skipuð sér­fræð­ingum sem hafa það hlut­verk að tryggja rétt­indi frels­is­sviptra í aðild­ar­ríkjum Evr­ópu­ráðs­ins. „Mín gagn­rýni byggir á ítar­legri rann­sókn­ar­vinnu sem ég vann fyrir Geðhjálp við gerð vef­síð­unnar rett­indagatt.is sem upp­lýsir geð­fatl­aða og fólk með geð­rask­anir um rétt­ar­stöðu sína hér á Íslandi. Sig­hvatur gefur í skyn að ég sé vilj­andi að gefa ranga mynd af lög­unum og skammar mig fyrir það í grein­inni sinni. Ég læt það vera að skamma hann á móti fyrir sínar rang­færslur en ég hvet hann til þess að kynna sér málin betur.“