Fréttir

Starfsmenn Félagsvísindasviðs leggjast gegn tanngreiningum Háskóla Íslands

Starfsmenn og doktorsnemar við Félagsvísindasvið Háskóla Íslands bætast í hóp þeirra sem gagnrýna háskólann fyrir að vinna að þjónustusamningi við Útlendingastofnuna um tanngreiningar á ungum hælisleitendum. Hvetja stjórnir annarra fræðasviða til þess að taka afstöðu.

Jón Bjarki Magnússon

11. desember 2018 · 14:46

Birtist upphaflega í Stundinni fyrir 8 árum.

Starfsmenn og doktorsnemar við Félagsvísindasvið Háskóla Íslands leggjast alfarið gegn því að framkvæmdar séu tanngreiningar á ungum hælisleitendum innan veggja Háskóla Íslands. Þá hvetja þeir stjórnir allra fræðasviða til þess að taka afstöðu gegn samningi Háskóla Íslands við Útlendingastofnun um tanngreiningar á hælisleitendum og beina því til starfsfólks Háskóla Íslands að láta sig málefnið varða.

Þetta kemur fram í yfirlýsingu sem 65 starfsmenn og doktorsnemar við Félagsvísindasvið Háskóla Íslands sendu frá sér rétt í þessu. Stúdentaráð Háskóla Íslands, Landssamtök íslenskra stúdenta, starfsmenn og doktorsnemar við Menntavísindasvið Háskóla Íslands sem og starfsmenn og doktorsnemar við Hugvísindasvið skólans hafa að undanförnu sent frá sér sambærilegar yfirlýsingar þar sem tanngreiningunum er mótmælt harðlega.

Stúdentar, doktorsnemar og starfsmenn háskólans hafa meðal annars bent á að tanngreiningar á hælisleitendum fari gegn vísindasiðareglum skólans en þær kveða á um að rannsakendur skuli ekki skaða hagsmuni þeirra sem tilheyra hópi í erfiðri stöðu. Þá hafa þeir bent á samfélagslegt hlutverk menntastofnana sem og mikilvægi þess að akademískar stofnanir framkvæmi ekki aðgerðir lögvalds á borð við Útlendingastofnunar. Jón Atli Benediktsson, rektor Háskóla Íslands, hefur fram til þessa ekki viljað tjá sig um gagnrýni starfsmanna og doktorsnema.

Mótmæla þjónustusamningi

„Félagsvísindasviðs Háskóla Íslands tekur undir yfirlýsingu starfsfólks Menntavísindasviðs og Hugvísindasviðs Háskóla Íslands, Landssambands Íslenskra Stúdenta og Stúdentaráðs Háskóla Íslands þar sem tekin er afstaða gegn tanngreiningum á hælisleitendum sem nú fara fram innan Háskóla Íslands. Þá er Háskóli Íslands eindregið hvattur til að láta af gerð samnings um áframhaldandi tanngreiningar á aldri hælisleitenda,“ segir í yfirlýsingu starfsmanna og doktorsnema við Félagsvísindasvið Háskóla Íslands.

Þar kemur jafnframt fram að þau vilji, sem fagfólk í félagsvísindum, líkt og starfsfólk Menntavísindasviðs, Hugvísindasviðs og samtök stúdenta gera, vekja sérstaka athygli háskólayfirvalda á samfélagslegu hlutverki menntastofnana sem og mikilvægi þess að akademískar stofnanir framkvæmi ekki aðgerðir lögvalds á borð við Útlendingastofnunar. Þá taka þau undir raddir þess efnis að háskólanum beri sem menntastofnun að styðja ungmenni sem hingað koma í leit að öruggara lífi.

Sú gagnrýni sem hefur undanfarið komið fram frá starfsmönnum fræðasvið Háskóla Íslands kemur illa við yfirstjórn Háskóla Íslands sem hefur beitt sér fyrir gerð þjónustusamningsins, en tanngreiningar fóru lengi vel fram innan veggja háskólans án þess að nokkur samningur lægi fyrir. Jón Atli Benediktsson, rektor Háskóla Íslands, sendi tölvupóst á starfsmenn háskólans í síðustu viku þar sem hann sagði að aldurgreiningar á tönnum færu ekki fram á meðan málið væri til skoðunar hjá Heilbrigðisvísindasviði skólans. Þá hefur hann vísað til þess að hælisleitendum verði í sjálfsvald sett hvort þeir gangist undir tanngreiningar eður ei.

Taka undir með Menntavísinda- og Hugvísindasviði

Starfsmenn og doktorsnemar við Félagsvísindasvið Háskóla Íslands taka undir með kollegum sínum á Menntavísindasviði og Hugvísindasviði sem og Stúdentaráði Háskóla Íslands, sem bent hefur á að vafasamt sé að halda því fram að þessi aðgerð sé valkvæð ef hinn möguleikinn er brottvísun úr landi. „Sömuleiðis tökum við undir að erfitt sé að fullyrða og ganga úr skugga um að upplýst samþykki liggi fyrir í þessum rannsóknum. Við tökum undir það sem komið hefur fram í yfirlýsingum Stúdentaráðs sem vísar meðal annars í 2.15 grein vísindasiðareglna frá 2014 um að rannsakendur skuli ekki skaða hagsmuni þeirra sem tilheyra hópi í erfiðri stöðu,“ segir jafnframt í yfirlýsingunni.

Á þessum forsendum leggjast 65 starfsmenn og doktorsnemar við Félagsvísindasvið Háskóla Íslandseinróma geng því að framkvæmdar séu tanngreiningar á ungum hælisleitendum innan Háskóla Íslands, „þar sem slíkar greiningar eru bæði vísindalega og siðferðislega vafasamar. Enn fremur tökum við undir hvatningarorð Stúdentaráðs og LÍS til Háskóla Íslands hvað varðar að styðja betur við fjölskyldur innflytjenda.“

Yfirlýsingin er undirrituð af eftirfarandi einstaklingum:

Kristján Þór Sigurðsson, aðjúnkt og doktorsnemi í mannfræði

Sigrún K. Valsdóttir, doktorsnemi í mannfræði

Linda Sólveigar- Guðmundsdóttir, doktorsnemi í mannfræði

Helga Ögmundardóttir, lektor í mannfræði

Geir Gunnlaugsson, prófessor í hnattrænni heilsu

Sunna Símonardóttir, nýdoktor í félagsfræði

Jónína Einarsdóttir prófessor í mannfræði

Unnur Dís Skaptadóttir, prófessor í mannfræði

Stefán Hrafn Jónsson, prófessor í félagsfræði

Margrét Einarsdóttir, nýdoktor í félagsfræði

Terry Gunnell, prófessor í þjóðfræði

Finnborg Salome ÞóreyjarSteinþórsdóttir, nýdoktor í kynjafræði

Hrafnhildur Snæfríðar- og Gunnarsdóttir, verkefnisstjóri hjá Félagsvísindastofnun

Árdís Kristín Ingvarsdóttir, doktorsnemi í félagsfræði

Sara Stefánsdóttir, doktorsnemi í fötlunarfræði

Stephanie Matti, doktorsnemi í mannfræði

Kristín Loftsdóttir, prófessor í mannfræði

Dagrún Ósk Jónsdóttir, doktorsnemi í þjóðfræði

Felix Lummer, doktorsnemi í þjóðfræði

Guðrún Sif Friðriksdóttir, doktorsnemi í mannfræði

Ólöf Gerður Sigfúsdóttir, doktorsnemi í safnafræði

Herdís Sigurjónsdóttir, doktorsnemi í opinberri stjórnsýslu

Linda Björk Ólafsdóttir, doktorsnemi í fötlunarfræðum

Eva Þórdís Ebenezersdóttir, doktorsnemi í þjóðfræði

Nína M. Saviolidis, doktorsnemi í viðskiptafræði

Eyrún Eyþórsdóttir, doktorsnemi í mannfræði

Anna Wojtyńska, doktorsnemi í mannfræði

Heiður Hrund Jónsdóttir, doktorsnemi í félagsfræði

Laufey Axelsdóttir, doktorsnemi í kynjafræði

Rannveig Traustadóttir, prófessor í fötlunarfræði

Sigrún Ólafsdóttir, prófessor í félagsfræði

Þóra Björnsdóttir, doktorsnemi í þróunarfræði

Áki Guðni Karlsson, doktorsnemi í þjóðfræði

Ásta Jóhannsdóttir, nýdoktor í fötlunarfræði

Sigurjón Baldur Hafsteinsson, prófessor í safnafræði

Arndís Bergsdóttir, nýdoktor í safnafræði

Snæfríður Þóra Egilson, prófessor í fötlunarfræði

Ragna Kemp Haralds, aðjúnkt í upplýsingafræði

Eyrún Ólöf Sigurðardóttir, stundakennari í mannfræði

Þorgerður J. Einarsdóttir, prófessor í kynjafræði

Ásgeir Brynjar Torfason, lektor í viðskiptafræði

Erna Rut Steinsdóttir, verkefnisstjóri, Félagsvísindasviði

Gyða Margrét Pétursdóttir, dósent í kynjafræði

Ólöf Júlíusdóttir, doktorsnemi í félagsfræði

Silja Bára Ómarsdóttir, dósent í alþjóðasamskiptum

Arnar Eggert Thoroddsen, aðjúnkt í félagsfræði

Kári Kristinsson, dósent í viðskiptafræði

Sigrún D. Flóvenz, verkefnisstjóri við Félagsvísindasvið

Helga Þórey Björnsdóttir, ajúnkt í mannfræði

Sveinn Eggertsson, dósent í mannfræði

Björk Guðjónsdóttir, doktorsnemi i mannfræði

Gísli Pálsson, prófessor í mannfræði

Guðbjörg Ottósdóttir, lektor í félagsráðgjöf

Hanna Björg Sigurjónsdóttir, prófessor í fötlunarfræði

Valdimar Tr. Hafstein, prófessor í þjóðfræði

Magnús Þór Torfason, lektor í viðskiptafræði

Sigrún Harðardóttir, lektor í félagsráðgjöf

James Gordon Rice, lektor í mannfræði

Sverrir Steinsson, stundakennari í stjórnmálafræði

Sigríður Björk Einarsdóttir, doktorsnemi í upplýsingafræði

Elsa Ósk Alfreðsdóttir, aðjúnkt í þjóðfræði

Maya Staub, doktorsnemi í félagsfræði

Erla Rún Guðmundsdóttir, doktorsnemi í viðskiptafræði

Erla S. Kristjánsdóttir, dósent, viðskiptafræðideild

Íris Dögg Lárusdóttir, doktorsnemi í félagsráðgjöf

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Viðtal

Ástleysið er sárt

Nánd er næring, nauðsynleg eins og matur. Tæpur helmingur fólks elst upp í óöruggum tengslum sem geta komið niður á tengslum og ástarsamböndum á fullorðinsárum, jafnvel ógnað heilsu, enda er „tengslamyndun ein af grunnforsendum farsældar“, að sögn klíníska sálfræðingsins Guðbrands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ástina í öllum sínum myndum.

Viðtal

Íslenskur læknir varpar nýju ljósi á lífshættulegan meðgöngusjúkdóm

Nítján ára gömul lá Silja Rut Ragnarsdóttir nær dauða en lífi á skurðarborði Landspítalans eftir alvarlegt tilfelli meðgöngueitrunar. Íslenskur vísindamaður í Bandaríkjunum, Jóhann Elí Guðjónsson húðlæknir, leiðir brautryðjandi rannsóknir sem varpa nýju ljósi á hvers vegna sjúkdómurinn kemur fram. Hann telur mögulegt að þróa lyf við sjúkdómnum sem bjargað gæti mannslífum.

ErlentÚkraínustríðið

Pútín kvaðst vera til í friðarviðræður

Þriggja tíma fundi erindreka Trumps með Pútín lauk með því að Rússlandsforseti skaut á hugmyndir Evrópu en samþykkti viðræður.

MenningÞegar gervigreindin tekur yfir

Mærður höfundur hankaður á gervigreind

Nýstirni í skáldsagnaheiminum hefur orðið fyrir aflýsingu eftir að gervigreind greindist í margrómuðu verki hans. Sjálfur segist hann að gervigreind hafi ekki verið til þegar hann lauk fyrsta uppkasti.

ErlentRússland Pútíns

Úkraínskur maður handtekinn í Þýskalandi grunaður um njósnir

Alríkissaksóknari segir manninn hafa aflað upplýsinga um framleiðslu brynvarinna ökutækja, skotfæra og sprengiefna, auk starfsfólks og hernaðarmannvirkja.

Erlent

Netanjahú „lokar“ Vesturbakkanum eftir árás tveggja manna

Tveir Palestínumenn réðust á ísraelska hermenn. Netanjahú segir „stóra árás“ hafa verið stöðvaða. Ben-Gvir vill leysa upp palestínsk stjórnvöld. Kosningar á þriðjudag.

Mest lesið

Mest lesið í vikunni

Aðsent

Hrafnhildur Kjerúlf Sigmarsdóttir

Ég, hóran

Fimmtíu og sjö karlmenn eru grunaðir um að hafa ekki komið ungri konu til aðstoðar þegar vinir þeirra nauðguðu henni í hópi. Hrafnhildur Sigmarsdóttir segir brandara um „hórur“ í ræktinni endurspegla sama tilkall til kvenna.

Viðtal

„Margt sem ég hef séð situr í mér“

Þegar Halla Bergþóra Björnsdóttir varð fyrst kvenna til þess að sinna löggæslu á Húsavík fékk hún að heyra að konur ættu ekkert erindi í lögregluna. Hún lét það ekki á sig fá, varð lögreglustjóri og loks ríkislögreglustjóri. Starfið hefur breytt henni, enda hefur hún komið að erfiðum málum og fengið hótanir. Á sama tíma hefur hún öðlast skarpari sýn á lífið, sterkari löngun til að gera gagn og fundið fyrir þakklæti fyrir allt það góða.

Úttekt

Íbúum boðnar „mútur“ fyrir að samþykkja gagnaver

Andstaða íbúa stöðvaði eða tafði að minnsta kosti 75 gagnaverkefni í Bandaríkjunum á fyrstu þremur mánuðum ársins. Í Pennsylvaníu reyna íbúar að stöðva gagnaver og háspennulínu.

Viðtal

Kvíði, álag og lélegur svefn geta aukið verki

Verkir eru algengasta ástæða þess að fólk leitar til heilbrigðisþjónustunnar. Grundvallarmunur er á hvernig verkir eru meðhöndlaðir eftir gerð. Það eru þó ýmsar bjargir sem fólk hefur hér á landi til að fá meðferð við verkjum og til sjálfshjálpar.

ErlentLýðræðisþróun

„Lygari“ og „trúður“: Eitt stærsta lýðræðisríki heims á krossgötum

Lula Brasilíuforseti og Flavio Bolsonaro, mótframbjóðandi hans, áttu í harkalegum kappræðum viku fyrir síðari umferð forsetakosninganna.

GagnrýniFasteignamartröðin

Martröðin að eignast heimili

Þorvaldur S. Helgason skrifar um Fasteignamartröðina eftir Gabrielė Labanauskaitė, sem sýnd er í Samkomuhúsinu.

Mest lesið í mánuðinum

Innlent

Lögreglan rukkar viðburðahaldara um tugi milljóna

Tvö lögregluembætti hafa krafið þrjá viðburðarhaldara um samanlagt 47 milljónir vegna þriggja viðburða í sumar. Viðburðahaldarar eru hugsi vegna málsins og tveir hafa kært gjaldtöku lögreglu.

InnlentLífið á Grensás

Vilja að Katla fari á elliheimili

Heilbrigðisráðuneytið hefur þrýst á að Katla Guðnadóttir, 24 ára gömul, velji sér hjúkrunarheimili til að flytja á tímabundið. Formaður ÖBÍ segir slíkar innlagnir ungs fólks sjaldnast verða tímabundnar. Katla hefur verið ári lengur á Grensásdeild en heilbrigðisstarfsfólk taldi þurfa og vill flytja heim til sín.

ViðtalLífið á Grensás

Prófaði brimbretti í fyrsta skipti og lamaðist

Wojciech Jarosz vann á Keflavíkurflugvelli en eftir örlagaríkt frí í Karíbahafinu sækir hann nú endurhæfingu á Grensásdeild í von um að geta staðið aftur upp einn daginn. Sjaldgæfur kvilli sem byrjendur á brimbrettum geta fengið olli lömun fyrir neðan mitti.

ViðtalLífið á Grensás

Snýr aftur í hjúkrunarfræði eftir heilablæðingu

Viðbragðsaðilar héldu að Björn Ólafur Haraldsson væri útúrdópaður þegar hann lá á gólfinu með blæðingu í heila. Hann var 21 árs og í hjúkrunarfræðinámi þegar áfallið reið yfir og þurfti ítrekað að leiðrétta mistök ófaglærðs starfsfólks á heilbrigðisstofnunum. Nú stefnir hann á að klára námið og koma sterkari til baka.

Stjórnmál

Sjálfstæðismenn aftur á fund bandarískra íhaldsmanna ásamt Zachary

Forysta Sjálfstæðisflokksins og Birgir Þórarinsson, fyrrverandi þingmaður, funduðu með íhaldssömum hugveitum og mæltu fyrir fríverslunarsamningi.

Stjórnmál

Fulltrúi Íslands sat áfram meðan tugir gengu úr salnum undir ræðu Netanyahu

Tugir fulltrúa gengu úr salnum þegar Benjamín Netanyahu, forsætisráðherra Ísraels, hóf ræðu sína á allsherjarþingi Sameinuðu þjóðanna. Fulltrúi Íslands sat áfram í sæti landsins. Þorgerður Katrín Gunnarsdóttir utanríkisráðherra var á sama tíma á fundi til stuðnings Palestínuflóttamannahjálp SÞ.