Hópur 62 starfsmanna og doktorsnema á Hugvísindasviði Háskóla Íslands leggst einróma gegn því að framkvæmdar séu tanngreiningar á ungum hælisleitendum innan veggja Háskóla Íslands. Þá er Háskóli Íslands eindregið hvattur til að láta af gerð samnings um áframhaldandi tanngreiningar á aldri hælisleitenda en hópurinn hvetur stjórnir allra fræðasviða til að taka afstöðu gegn samningnum og beinir því til starfsfólks Háskóla Íslands að láta sig málefnið varða.

Starfsmenn og doktorsnemar á Hugvísindasviði taka þar með undir yfirlýsingu sem 49 starfsmenn og doktorsnemar Menntavísindasviðs Háskóla Íslands sendu frá sér í síðustu viku. Landssambands Íslenskra Stúdenta og Stúdentaráðs Háskóla Íslands höfðu áður gagnrýnt tanngreiningarnar harðlega.

„Viljum við sem fagfólk í hugvísindum, líkt og starfsfólk Menntavísindasviðs og samtök stúdenta gera, vekja sérstaka athygli háskólayfirvalda á samfélagslegu hlutverki menntastofnana sem og mikilvægi þess að akademískar stofnanir framkvæmi ekki aðgerðir lögvalds á borð við Útlendingastofnunar,“ segir í yfirlýsingu sem starfsmenn og doktorsnemar á Hugvísindasviði sendur frá sér rétt í þessu. „Við tökum einnig undir með starfsfólki Menntavísindasviðs að Háskóla Íslands sem samfélagslegri menntastofnun beri að vernda og styðja ungmenni sem hingað koma í leit að öruggara lífi.“

Vísa í vísindasiðareglur

Hópurinn vísar í umfjöllun fjölmiðla sem og yfirlýsingu Stúdentaráðs Háskóla Íslands þar sem fram hefur komið að vafasamt sé að halda því fram að þessi aðgerð sé valkvæð ef hinn möguleikinn er brottvísun úr landi. „Sömuleiðis tökum við undir að erfitt sé að fullyrða og ganga úr skugga um að upplýst samþykki liggi fyrir í þessum rannsóknum. Við tökum undir það sem komið hefur fram í yfirlýsingum Stúdentaráðs sem vísar meðal annars í 2.15 grein vísindasiðareglna frá 2014 um að rannsakendur skuli ekki skaða hagsmuni þeirra sem tilheyra hópi í erfiðri stöðu,“ segir í yfirlýsingunni.

Hópurinn vísar meðal annars í það að Rauði Kross Íslands, Unicef, Barnaréttarnefnd Evrópuráðsins ásamt fjölmörgum alþjóðlegum stofnunum og samtökum hafi bent á hversu sterk siðferðisleg rök hníga gegn notkun tanngreininga til aldursákvörðunar. „Hvetjum við stjórnir allra fræðasviða til að taka afstöðu gegn samningi Háskóla Íslands við Útlendingastofnun um tanngreiningar á hælisleitendum og jafnframt viljum við beina því til starfsfólks Háskóla Íslands að láta sig málefnið varða. Enn fremur tökum við undir hvatningarorð Stúdentaráðs og LÍS til Háskóla Íslands hvað varðar að styðja betur við fjölskyldur innflytjenda. 

Yfirlýsinguna undirrita eftirfarandi: 

Anna R. Jörundardóttir, verkefnastjóri Hugvísindasviðs

Arngrímur Vídalín, stundakennari í íslensku

Atli Antonsson, doktorsnemi í almennri bókmenntafræði

Atli Dungal Sigurðsson, doktorsnemi í enskum bókmenntum og stundakennari

Ásta Kristín Benediktsdóttir, stundakennari og doktorsnemi í íslensku

Bergljót S. Kristjánsdóttir, prófessor

Björn Reynir Halldórsson, doktorsnemi í sagnfræði

Björn Þór Vilhjálmsson, lektor í almennri bókmenntafræði og kvikmyndafræði

Björn Þorsteinsson, prófessor í heimspeki

Elmar Geir Unnsteinsson, sérfræðingur í heimspeki

Eiríkur Rögnvaldsson, prófessor emeritus

Eiríkur Smári Sigurðarson, rannsóknarstjóri Hugvísindasviðs

Erla Hulda Halldórsdóttir, dósent í sagnfræði

Finnur Déllsen, dósent í heimspeki

Finnur Jónasson, doktorsnemi í sagnfræði

Gísli Rúnar Harðarson, nýdoktor í málvísindum

Gísli Hvanndal Ólafsson, aðjúnkt við Íslensku- og menningardeild

Guðmundur Jónsson, prófessor í sagnfræði

Guðrún Elsa Bragadóttir, stundakennari í kvikmyndafræði

Guðrún Kristinsdóttir, doktorsnemi í frönskum fræðum

Guðrún Steinþórsdóttir, doktorsnemi

Gunnar Tómas Kristófersson, doktorsnemi í almennri bókmenntafræði

Gunnþórunn Guðmundsdóttir, prófessor í almennri bókmenntafræði

Gústav Adolf Bergmann Sigurbjörnsson, doktorsnemi í heimspeki

Hafdís Erla Hafsteinsdóttir, stundakennari í sagnfræði

Halldóra Þorláksdóttir, verkefnastjóri

Hjalti Hugason, prófessor í kirkjusögu

Hrafnkell Lárusson, doktorsnemi í sagnfræði

Ingibjörg Ágústsdóttir, dósent

Ingibjörg Eyþórsdóttir, doktorsnemi í íslenskum bókmenntum og stundakennari

Ingibjörg Þórisdóttir, doktorsnemi og verkefnastjóri

Iris Edda Nowenstein, doktorsnemi

Íris Ellenberger, stundakennari í sagnfræði

Jón Ólafsson, prófessor

Katrín Harðardóttir, doktorsnemi í þýðingafræði

Katrín Lísa van der Linde Mikaelsdóttir, doktorsnemi í íslenskri málfræði og stundakennari

Katelin Marit Parsons, doktorsnemi í íslenskum bókmenntum

Kjartan Már Ómarsson, doktorsnemi í almennri bókmenntafræði

Laura Malinauskaite, doktorsnemi í umhverfis- og auðlindafræði [þverfaglegt svið]

Nanna Hlín Halldórsdóttir, stundakennari í heimspeki

Núría Frías Jiménez, doktorsnemi í spænsku og stundakennari

Ole Sandberg, doktorsnemi í heimspeki

Orri Vésteinsson, prófessor í fornleifafræði

Pontus Järvstad, doktorsnemi í sagnfræði

Pétur Knútsson, prófessor emeritus

Ragnheiður Kristjánsdóttir, dósent í sagnfræði

Romina Werth, doktorsnemi í íslenskum bókmenntum

Sigríður Hjördís Jörundsdóttir, doktorsnemi í sagnfræði

Stefanie Bade, doktorsnemi í íslenskri málfræði og stundakennari

Steinunn Arnþrúður Björnsdóttir, doktorsnemi í guðfræði

Steinunn Hreinsdóttir, doktorsnemi í heimspeki

Steinunn Kristjánsdóttir, prófessor í fornleifafræði

Sumarliði R. Ísleifsson, lektor, sagnfræði- og heimspekideild

Svavar Hrafn Svavarsson, prófessor í heimspeki

Sævar Finnbogason, doktorsnemi í heimspeki

Tinna Frímann Jökulsdóttir, doktorsnemi í máltækni og stundakennari

Torfi H. Tulinius, prófessor

Uta Reichardt, nýdoktor í umhverfisfræði [þverfaglegt svið]

Vanessa Isenmann, doktorsnemi í íslenskri málfræði

Vera Knútsdóttir, doktorsnemi í almennri bókmenntafræði og stundakennari

Vilhelm Vilhemsson, stundakennari í sagnfræði og forstöðumaður Rannsóknarseturs HÍ á Norðurlandi vestra

Þorbjörg Þorvaldsdóttir, doktorsnemi í íslenskri málfræði og stundakennari