Ungur hæl­is­leit­andi sem vísað var úr landi í byrjun árs er beð­inn um að koma aftur til lands­ins til þess að gefa skýrslu um lík­ams­árás sem hann varð fyrir. Honum var vísað úr landi skömmu eftir árás­ina án vit­undar verj­anda hans og lög­reglu­mann­anna sem fóru með rann­sókn máls­ins. Frétta­blaðið greinir frá.

Houssin Bsraoi varð fyrir alvar­legri lík­ams­árás á Litla-Hrauni í jan­úar og var fluttur úr landi í kjöl­farið. Houssin kom hingað til lands sum­arið 2016 ásamt öðrum ungum pilti, Yassine, en þeir földu sig um borð í Norrænu til þess að kom­ast í landið. Báðir sóttu þeir um alþjóð­lega vernd og sögð­ust þeir vera undir 18 ára aldri.

Houssin er nú á vitna­lista ákæru­valds­ins sem brota­þoli og reynir hér­aðs­sak­sókn­ari að flytja hann til lands­ins til að gefa skýrslu í sam­ráði við önnur stjórn­völd, meðal ann­ars rík­is­lög­reglu­stjóra, dóms­mála­ráðu­neytið og full­trúa Íslands hjá Europol. Aðal­með­ferð í mál­inu átti að hefj­ast í hér­aðs­dómi Suð­ur­lands í gær en var frestað þar sem annar ákærðu mætti ekki til aðal­með­ferðar.

Sá er Baldur Kol­beins­son, sem hefur lokið afplánun og er frjáls ferða sinna. Hinn ákærði er Trausti Rafn Hen­riks­son og tekur ákæran gegn þeim til alvar­leg­ustu gerðar lík­ams­árásar. Trausti neitar sök en Baldur hefur ekki tekið afstöðu til ákærunnar.

Á meðal gagna í mál­inu er upp­taka úr örygg­is­mynda­vél af árásinni, sem fram fór í íþrótta­sal fang­els­is­ins. Baldur var dæmdur árið 2014 fyrir tvær lík­ams­árásir á úti­vist­ar­svæð­inu á Litla-Hrauni.

Houssin, sem er frá Marokkó, sótti um alþjóð­lega vernd hér á landi, en var synjað um dval­ar­leyfi. Í fram­hald­inu reyndi hann að forð­ast brott­vísun til heima­lands síns með því að fara um borð í gáma­skip á leið úr landi. Hann hlaut skil­orðs­bund­inn dóm fyrir fjögur til­vik þar sem hann fór um borð í skip og sætti loks ákæru fyrir annað til­vik þar sem hann reyndi hann að kom­ast um borð í gáma­skip Eimskipa á leið til Kanada.