Lilja svarar fyrir sig og segir ummælin lýsa „vanmætti, ótta og úreltum viðhorfum“

„Yfir­lýs­ingar þing­manna Mið­flokks­ins eru óaf­sak­an­legar. Trún­að­ar­brestur hefur átt sér stað milli þeirra, þings og þjóðar. Það orð­færi og sleggju­dómar sem orðið hafa til­efni frétta­skrifa í dag lýsa van­mætti, ótta og úreltum við­horfum,“ segir Lilja Alfreðs­dóttir, mennta- og menn­inga­mála­ráð­herra. Vísar hún þar til ummæla þing­manna Mið­flokks­ins sem þeir við­höfðu þar sem þeir sátu með þing­mönnum frá Flokki fólks­ins og lýstu því meðal ann­ars yfir að tími væri kom­inn á hefnd­ar­að­gerðir gegn Lilju, köll­uðu hana „tík“ og ræddu um hana með kyn­ferð­is­legum hætti.

Hvatti til hefndaraðgerða

Hvatti Gunnar Bragi Sveins­son, fyrr­ver­andi utan­rík­is­ráð­herra og vara­for­maður Mið­flokks­ins, að þeir myndu hjóla í hel­vítis tík­ina, hann væri að verða brjál­aður á henni. Sig­mundur Davíð Gunn­laugs­son, fyrr­ver­andi for­sæt­is­ráð­herra og for­maður Mið­flokks­ins, sagð­ist þá geta sjálfum sér um kennt, og vís­aði þar til þess að Lilja var skipuð ráð­herra að til­lögu hans. Virtust þeir hafa orðið fyrir von­brigðum að Lilja hefði ekki hug á nán­ara sam­starfi við þá.

Ræddu þeir Sig­mundur Davíð og Bergþór Ólasson um kyn­þokka hennar, eða skort á honum, sögðu að henni væri ekki treystandi og að hún spil­aði á karl­menn eins og kven­fólk kann.

„Það hefur engin gugga teymt mig meira á asna­eyr­unum en hún, sem ég hef ekki fengið að ríða,“ sagði Bergþór

„Who the fuck is that bitch?“ segir einn þing­mann­anna um Lilju og annar segir „Fuck that bitch“.

„Þú getur riðið henni, skil­urðu,“ sagði Bergþór og virt­ist einnig vísa til Lilju.

Lítilsvirðandi ummæli  

Stundin hefur fjallað með ítar­legum hætti um þá kven­fyr­ir­litn­ingu sem birt­ist í sam­skiptum þing­mann­anna, en þar kom fram að þeir sem voru við­staddir þennan fund við­höfðu fjöl­mörg lít­ils­virð­andi ummæli gagn­vart konum, sam­kyn­hneigðum og fötl­uðum.  

Kölluðu þeir meðal ann­ars um Ingu Sæland, for­mann Flokks fólks­ins, „húrr­andi klikk­aða kuntu,“ auk þess sem þing­menn­irnir sögðu eðli­legt að kona sem væri ekki jafn „hot“ og áður yrði látin gjalda fyrir það í próf­kjörum. „Það fellur hratt á hana,“ sagði Bergþór um stjórn­mála­konu.

Þá gerðu þeir lítið úr Freyju Har­alds­dóttur, bar­áttu­konu fyrir rétt­indum fatl­aðra, meðal ann­ars með því að líkja eftir hljóðum sela þegar þeir ræddu um hana.

Baðst afsökunar, óviss um að ummælin ættu við hana

Gunnar Bragi var gestur Kast­ljóss­ins, en sá sér ekki fært um að mæta í beina útsend­ingu þar sem hann hafði ráð­gert að mæta á þing­manna­ball á Bessa­stöðum í kvöld. Innslagið var því tekið upp fyrr í dag, áður en Stundin greindi frá því hvernig þing­menn­irnir töl­uðu um Lilju.

Í við­tal­inu taldi Gunnar Bragi upp þá sem hann hefði beðið afsök­unar; Loga Ein­ars­son, for­mann Sam­fylk­ing­ar­innar, sem var hann kall­aði trúð, Bjarna Bene­dikts­son, for­mann Sjálf­stæð­is­flokks­ins, sem Gunnar sagði hafa sam­þykkt að hann sjálfur ætti inni greiða frá flokknum fyrir að skipa Geir H. Haarde sendi­herra, Oddnýju Harð­ar­dóttur þing­konu Sam­fylk­ing­ar­innar vegna ummæla um að hún væri apa­köttur.

Greindi Gunnar Bragi einnig frá því að hann hefði beðið Áslaugu Örnu Sig­ur­björns­dóttir afsök­unar, með þeim fyr­ir­vara að hann væri ekki viss um að hann hefði átt við hana, í umræðum um að ónefnd stjórn­mála­kona væri ekki jafn hot og áður og ætti að gjalda sig þess póli­tískt. „Ef að ég er að tala um hana þarna, ég er ekki klár á því.“

Sömu­leiðis sagð­ist hann hafa beðið Albertínu Frið­björgu Elí­as­dóttur afsök­unar á að hafa sakað hana um nauðg­un­ar­til­raun í umræðum þar sem grín var gert að #Metoo-bylt­ing­unni.

Hvergi kom fram að hann hefði í hyggju að biðja Lilju Alfreð­is­dóttur afsök­unar á ummælum sínum um hana.  

„Ég hef ekkert brotið af mér“

„Þetta var ekki góð staða sem við lendum á þarna,“ sagði Gunnar Bragi og kenndi áfeng­is­drykkju um fram­göngu sína. „Það er annað að tala frjáls­lega en að vera drukk­inn á ein­hverjum bar og tala eins og fífl,“ sagði Gunnar Bragi, en tók undir að það væri kannski „ódýr“ afsökun. 

Sá hann enga ástæðu til þess að hann eða aðrir þáttak­endur í þessu sam­tali verði að segja af sér þing­mennsku þó að fram­ganga hans hafi orðið honum til minnk­unar. „Nei, nei auð­vitað segi ég ekki af mér,“ sagði hann. „Af því að ég hef ekk­ert brotið af mér. Ég hag­aði mér asna­lega og ég er ekki fyrsti þing­mað­ur­inn í sög­unni sem gerir það.“

„Ég hag­aði mér asna­lega og ég er ekki fyrsti þing­mað­ur­inn í sög­unni sem gerir það“

Það yrði að koma í ljós hvort hann nyti trausts ann­arra stjórn­ar­and­stöðu­flokka. „Það eru ein­hverjir dagar í að við komumst í gegnum þetta og við verðum bara að sjá til.“

Þá sagði hann eins með þá eins og aðra sem hefur orðið á. „Við þurfum að biðj­ast afsök­unar og við þurfum að leita sátta við það fólk sem við höfum komið illa fram við. Það er fleira en þetta fólk. Það eru flokks­menn, það eru vinir og fjöl­skylda sem við þurfum að skýra hlut­ina út fyrir. Það er bara verk­efni. Sem betur fer er það þannig að ég held það að fólk muni skilja það að við fórum vissu­lega yfir strikið og við eigum að skamm­ast okkar fyrir það. Við höfum séð það áður í þessum þingsölum að fólki hefur fyr­ir­gef­ist ýmis­legt, en fyr­ir­gefn­ingin er nú yfir­leitt sterk­ust.“

Fyrr í dag sagð­ist hann ekki eiga neitt inni hjá Sjálf­stæð­is­flokknum eftir að hann skip­aði Geir H. Haarde sendi­herra. „En ég held hins vegar að ég geti alveg vel staðið undir slíku starfi,“ sagði hann í sam­tali við Vísi. Þar kom einnig fram í máli hans að þar sem þau sætu svo mörg í súp­inni, af þing­mönnum Mið­flokks­ins, að hann ætti ekki von á neinum aðgerðum þaðan. 

Íhugar stöðu sína

Fram hefur hins vegar komið að Anna Kolbrún Árna­dóttir, þing­maður Mið­flokks­ins sem sat með þeim á barnum og tók þátt í sam­tal­inu, sé að hugsa stöðu sína innan Alþingis. „Mér finnst afar leitt hvernig við flest hög­uðum okkur þetta kvöld,“ sagði hún í kvöld­fréttum RÚV. Hún situr í vel­ferð­ar­nefnd sem fer með mál­efni fatl­aðra og kvaðst ekki hafa liðið vel þar í dag, í ljósi þess að þing­menn­irnir gerðu grín að fötl­uðum þetta kvöld. Það væri henni mik­il­vægt að axla ábyrgð. „Ég á mér engar máls­bætur.“

Sig­mundur Davíð hefur ekki svarað fjöl­miðlum í dag og hafn­aði boði Kast­ljóss­ins um að mæta þangað.  Sam­eig­in­leg yfir­lýs­ing þess­ara fjög­urra þing­manna Mið­flokks­ins, sem tóku þátt í sam­tal­inu, barst fyrr í dag og báð­ust þeir afsök­unar á fram­ferði sínu. Áður hafði Sig­mundur Davíð þó birt yfir­lýs­ingu á Facebook þar sem hann sak­aði fjöl­miðla að ósekju um hler­anir og kvaðst von­ast eftir aðgerðum. Líkt og Stundin greindi frá fyrr í dag átti hann að mæta á karla­kaffi í Fella- og Hóla­kirkju á morgun en hann hefur afboðað sig.