Framboðslista Heiðveigar hafnað af Sjómannafélaginu

Kjör­stjórn Sjó­manna­fé­lags Íslands hefur hafnað fram­boði Heið­veigar Maríu Ein­ars­dóttur til for­manns og þeim listum með­fram­bjóð­enda sem hún skil­aði. Þetta kemur fram í fund­ar­gerðum kjör­stjórn­ar­innar.

Framboði B-lista, sem Heiðveig fór fyrir, er hafnað af nokkrum ástæðum. Lista hafi aðeins verið skilað í stjórn og vara­stjórn, en ekki til stjórnar mat­sveina­deildar eða trún­að­ar­manna­ráðs, eins og lög hafi kveðið á um. Þá sé Heiðveig ekki félags­maður í Sjó­manna­fé­lag­inu og hafi ekki greitt í það síð­ast­liðin þrjú ár. Loks hafi til­skyldum fjölda með­mæl­enda ekki verið náð.

„Af öllum fram­an­greindum ástæðum leiðir, að fram­boð B-lista til stjórnar í félag­inu upp­fyllir ekki skil­yrði laga félags­ins til mót­fram­boðs og telst list­inn því ekki vera lög­mætur,“ segir í fund­ar­gerð kjör­stjórnar. „Þar sem aðeins einn lög­mætur listi, A-listi stjórnar félags­ins, hefur borist til stjórnar, trún­að­ar­manna­ráðs og mat­sveina­deildar úrskurðar kjör­stjórn að þeir menn sem þar eru til­nefndir telj­ast vera sjálf­kjörnir í stjórn félags­ins, stjórn mat­sveina­deildar og trún­að­ar­manna­ráð, til sam­ræmis við önnur ákvæði laga félags­ins.“