Fyrsti vísir að hafn­ar­að­stöðu í Finna­firði gæti verið kom­inn í notkun árið 2025, að mati þýska fyr­ir­tæk­is­ins Brem­en­ports, sem kemur að verk­efn­inu. Fyr­ir­tækið mun eiga meiri­hluta hluta­fjár í þró­un­ar­fé­lagi hafn­ar­innar og nýr fjár­festir kemur inn í næsta áfanga und­ir­bún­ings, sam­kvæmt til­kynn­ingu.

Sam­starfs­hópur ráðu­neyta, sveit­ar­fé­laga og stofn­ana kannar nú fýsi­leika á atvinnu­starf­semi í Finna­firði og er stefnt á að hann skili af sér í jan­úar, að sögn Þór­mundar Jón­atans­sonar, upp­lýs­inga­full­trúa sam­göngu- og sveit­ar­stjórn­ar­ráðu­neyt­is­ins. „Þeirra vinna er að skoða allar hliðar máls­ins og leggja fram til­lögur sem verða metnar og þá fyrst verður tekin afstaða til þess hvort verður farið í næsta áfanga,“ segir Þór­mundur. „Þá vitum við hvort þetta verk­efni upp­fylli öll þau skil­yrði sem þurfa að vera í lagi.

Þá hefur Sigurður Ingi Jóhanns­son, sam­göngu- og sveit­ar­stjórn­ar­ráð­herra, ákveðið að styrkja verk­efnið um 18 millj­ónir króna. Eyþing, lands­hluta­sam­tök sveit­ar­fé­laga á Norð­aust­ur­landi, tekur við styrknum, sem nýt­ist ann­ars vegar í und­ir­bún­ings­vinnu …