Þessi grein birtist upphaflega í Stundinni fyrir meira en 6 árum.

Uppskeruhátíð íslenska tónlistarlífsins, hrekkjavaka og minningartónleikar

Tón­leik­ar, við­burð­ir og sýn­ing­ar 26. októ­ber til 8. nóv­em­ber.

Uppskeruhátíð íslenska tónlistarlífsins, hrekkjavaka og minningartónleikar

Listahátíðin Cycle 

Hvar? Kópavogi og víðar
Hvenær? 26. október– 4. nóvember
Aðgangseyrir: Oftast ókeypis!

Fjöllistahátíðin Cycle er haldin fjórða árið í röð, en hún er haldin á Íslandi, Þýskalandi og Kína. Hátíðin er samtal tilraunakenndrar samtímatónlistar og myndlistar, en opnunarathöfn hátíðarinnar fer fram á Þingvöllum 26. október kl. 12–13. Hátíðin fer síðan fram í Gerðarsafni, Iðnó, Mengi, Kópavogslaug, Salnum og NÝLÓ. Hægt er að nálgast dagskrána á www.cycle.is.

Reykjavík Kabarett

Hvar? Þjóðleikhúskjallarinn
Hvenær? 26. október, 2. & 9. nóvember
Aðgangseyrir: 3.900 kr.

Sýningin blandar saman burlesque, kabarett, sirkuslistum, dragi, töfrum, tónlist og fleiru með vænni skvettu af fullorðinsbröndurum. Auk kjarnateymisins bak við Reykjavík Kabarett koma erlendir og íslenskir gestir fram í sýningunni. Sýningin er stranglega bönnuð innan 18 og ekki fyrir þá sem eru viðkvæmir fyrir dónabröndurum eða undrum mannslíkamans.

Jóhann Jóhannsson minningartónleikar

Hvar? Mengi
Hvenær? 27. október kl. 21.00
Aðgangseyrir: 3.000 kr.

Fráfall Jóhanns Jóhannssonar skildi eftir sig djúp sár í íslenska tónlistarheiminum. Á 48 árum gaf tónlistarmaðurinn út fjöldann allan af plötum, hljóðheimum og lögum. Sérstakir minningartónleikar eru haldnir honum til heiðurs í Mengi þar sem HAM, Ben Frost, Skúli Sverrisson og fjölmargir aðrir listamenn koma fram. Allur ágóði miðasölunnar fer í minningarsjóð Jóhanns.

Halloween Iceland 2018

Hvar? Gaukurinn
Hvenær? 27. október kl. 21.00
Aðgangseyrir: 2.000 kr.

Hið árlega hrekkjavökuball Halloween Iceland fer fram á Gauknum. Eins og áður er þetta búningakeppni og því verður búningalausum meinaður aðgangur. Verðlaun eru veitt fyrir bestu búninga og tilþrif og síðan munu plötusnúðar þeyta skífum fram í rauða bítið.

The Exorcist hrekkjavökusýning

Hvar? Bíó Paradís
Hvenær? 31. október kl. 20.00
Aðgangseyrir: 1.600 kr.

Særingarmaðurinn, eða The Exorcist, heldur enn dampi sem ein mest sjokkerandi og grípandi mynd í kvikmyndasögunni og er oft með á listum yfir óhugnanlegustu myndir sem gerðar hafa verið. Myndin fjallar um tólf ára stelpu sem verður andsetin og baráttu móður hennar og tveggja presta við að særa kölska í burtu.

Ingólfur Arnarsson: Jarðhæð

Hvar? Hafnarhúsið
Hvenær? 3. nóvember–10. febrúar
Aðgangseyrir: 1.650 kr.

Ingólfur hefur verið áhrifamikill í íslensku listalífi frá níunda áratugnum. Teikning hefur ætíð skipað veigamikinn sess í listsköpun hans en teikningar Ingólfs einkennast af fíngerðum línum, nákvæmni og tíma. Sýningar á verkum Ingólfs eru hugsaðar út frá hverju rými fyrir sig og hafa sparleg en nákvæmlega úthugsuð verk hans verið kennd við mínímalisma.

Skotleyfi á skynfærin: Indriði Arnar Ingólfsson

Hvar? Húrra
Hvenær? 4. nóvember kl. 20.00
Aðgangseyrir: Ókeypis!

Á sunnudagskvöldum fá valdir listamenn frjálsar hendur í tónlistarvali á Húrra. Listamaður þennan tiltekna sunnudag er Indriði Arnar Ingólfsson listamaður, en áður en hann hóf sóló-indí-feril sinn spilaði hann með leifturhröðu pönksveitinni Muck. Búast má við því að hann muni spila alls konar tónlist á þessu kvöldi.

Iceland Airwaves

Hvar? Reykjavík
Hvenær? 7.–10. nóvember
Aðgangseyrir: 21.900 kr.

Iceland Airwaves er uppskeruhátíð íslenska tónlistarlífsins, en á þessari fjögurra daga  tónlistarhátíð koma rúmlega 200 hljómsveitir fram. Aðeins rjómi íslensks tónlistarfólks og hljómsveita stíga á svið, en samhliða dagskrá hátíðarinnar fer fram svokölluð „off venue“-dagskrá sem er gjaldfrjáls. Hátíðin er haldin í 20. skiptið.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

Mest lesið

Mest lesið í vikunni

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár