Árs­reikn­inga­skrá hefur fellt út árs­reikn­ing Útvarps Sögu fyrir árið 2017. Eftir yfir­ferð rík­is­skatt­stjóra reynd­ist árs­reikn­ing­ur­inn sem fjöl­mið­ill­inn skil­aði inn vera afrit af árs­reikn­ingi félags­ins fyrir árið 2016.

Arn­þrúður Karls­dóttir er eini hlut­hafi SagaNet - Útvarp Saga ehf. sem rekur útvarps­stöð­ina. Tap varð á rekstri félags­ins um 2,6 millj­ónir árið 2016, en rekstr­ar­nið­ur­staða fyrir árið 2017 er ekki þekkt þar sem full­nægj­andi árs­reikn­ingur hefur ekki borist. Frestur til að skila árs­reikn­ingi rann út 31. ágúst síð­ast­lið­inn.

Árs­reikn­inga­skrá gerir úrtakskann­anir og athug­anir á árs­reikn­ingum til þess að ganga úr skugga um að inn­send gögn séu í sam­ræmi við lög. Að sögn Jónínu Jón­as­dóttur, sviðs­stjóra skráa­sviðs hjá rík­is­skatt­stjóra, er slíkt ekki alltaf gert um leið og árs­reikn­ingur berst. „Staðan er því sú núna að Útvarp Saga ehf. hefur ekki skilað full­nægj­andi árs­reikn­ingi árs­ins 2017,“ segir Jónína.

CreditInfo fékk ein­tak að árs­reikn­ingnum áður en hann var felldur út. Á því má sjá að ein­takið er eins og árs­reikn­ingur félags­ins fyrir 2016, merkt sem árs­reikn­ingur 2016 og dag­sett af Arnþrúði í lok ágúst 2017. „Í ljós kom að reikn­ing­ur­inn upp­fyllti ekki ákvæði árs­reikn­inga­laga og var hann því felldur út af skránni,“ segir Jónína. „Það er skýr­ingin á því að fram kemur á vef okkar að árs­reikn­ingi hafi ekki verið skilað.“