Fáir leið­togar hafa fallið af jafn háum stalli og Aung San Suu Kyi, frið­ar­verð­launa­hafi Nóbels og póli­tískur leið­togi Mjanmar (Búrma). Hún sat í stofu­fang­elsi í 15 ár og leiddi stjórn­ar­and­stöð­una sem rödd frelsis og lýð­ræðis í landi sem var undir hæl grimmrar her­for­ingja­stjórnar. 

Suu Kyi var dáð og elskuð um allan heim fyrir frið­sama bar­áttu sína og var oft nefnd í sömu andrá og Nelson Mandela og Mahatma Gandhi. Að lokum varð alþjóð­legur þrýst­ingur til þess að henni var sleppt úr haldi og flokkur hennar vann sigur í lýð­ræð­is­legum kosn­ingum árið 2015.

Nú, aðeins þremur árum seinna, er Aung San Suu Kyi úthrópuð af alþjóð­legum mann­rétt­inda­sam­tökum sem ras­isti, sið­leys­ingi og jafn­vel stríðs­glæpa­maður. Hvað í ósköp­unum gerð­ist?

Morðið á föður Aung San Suu Kyi

Það má segja að það hafi verið ljóst að Aung San Suu Kyi yrði við­riðin póli­tík með einum eða öðrum hætti síðan hún var tveggja ára gömul, …