2377 tekju­hæstu fram­telj­endur til skatts, eða tekju­hæsta 1% Íslend­inga, voru allir með yfir 26,3 millj­ónir króna í árs­tekjur árið 2017. Tekju­hæstu 10% fram­telj­enda þén­uðu yfir tæpar 11,2 millj­ónir króna á mann. Tekju­lægstu 20% Íslend­inga voru hins vegar með árs­tekjur undir 3 millj­ónir á mann. 

Þetta kemur fram í gögnum um heild­ar­tekjur sem Hag­stofan birti á föstu­dag. Í gögn­unum er fram­telj­endum til skatts skipt í tíu jafn stóra hópa frá tekju­lægstu til tekju­hæstu. Ekki eru birtar tölur um heild­ar­tekjur hverrar tekju­tí­undar heldur aðeins um mörkin milli þeirra, þ.e. tekjur tekju­hæsta fram­telj­and­ans í hverjum hóp fyrir sig. Jafn­framt eru birt gögn um tekju­hæstu 5% og tekju­hæsta 1% Íslend­inga. Um heild­ar­tekjur er að ræða, þ.e. atvinnu­tekjur, fjár­magnstekjur og aðrar tekjur.

1% hækkað um minnst 4,6 milljónir

Séu upp­lýs­ingar úr gögnum Hag­stof­unnar núvirtar kemur í ljós að heild­ar­laun mann­eskju við mörk tekju­lægstu 20% fram­telj­enda hafa hækkað um 38% síð­ustu fimm ár. Með­al­laun hafa hækkað um tæp 26% og standa nú í 6,4 millj­ónum króna á ári. Laun mann­eskju við mörk 10% tekju­hæstu hafa hækkað um 19% og laun við tekju­hæsta 1% um 21%.

Í krónum talið hefur þó mann­eskja við mörk tekju­hæsta 1% fram­telj­enda hækkað mest, eða um 4,6 millj­ónir króna á ári. Mann­eskja við mörk hæstu 10% hefur hækkað um 1,8 milljón á ári. Meðal fram­telj­and­inn hefur aðeins hækkað um 1,3 millj­ónir króna á ári og mann­eskja við lægstu 20% mörkin um 700 þús­und á ári.