Þessi grein birtist upphaflega í Stundinni fyrir meira en 6 árum.

Erfitt fyrir innflytjendur að koma út sem trans eða kynsegin

Andie Fontaine, blaða­mað­ur og fyrr­ver­andi vara­þing­mað­ur Vinstri grænna, seg­ir önn­ur lönd standa Ís­landi fram­ar hvað varð­ar ferli trans og kynseg­in fólks. Ferl­ið sé enn erf­ið­ara fyr­ir fólk án ís­lensks rík­is­borg­ara­rétt­ar. Hán kom ný­ver­ið út og ótt­ast skriff­in­sku og nær­göng­ul­ar spurn­ing­ar í ferl­inu.

Erfitt fyrir innflytjendur að koma út sem trans eða kynsegin
Andie Fontaine Andie segist hafa notið mikils stuðnings, en hafa helst óttast ferlið og skriffinnskuna. Mynd: Art Bicnick

Ísland stendur aftar öðrum þjóðum hvað varðar ferli sem trans og kynsegin (e. non-binary) fólk þarf að fara í gegnum. Ferlið er enn flóknara fyrir fólk án íslensks ríkisborgararéttar. Þetta skrifar Andie Fontaine, fyrrverandi varaþingmaður og fréttaritstjóri The Reykjavík Grapevine, í pistli um málið í dag.

Andie kom nýverið út sem trans og kynsegin. Í pistlinum segir hán ferlið hafa hafist í æsku, en nú hafi hán skipt um nafn og útlitið muni breytast, að hluta til vegna hormónameðferðar. Stærsti ótti Andie í tengslum við breytingarnar stafi hins vegar af því hversu úrelt ferlið fyrir trans og kynsegin fólk sé á Íslandi.

„Í fyrsta lagi, þá er „kynsegin“ ekki skilgreint í lögum eða heilbrigðiskerfinu á Íslandi.“

„Í fyrsta lagi, þá er „kynsegin“ ekki skilgreint í lögum eða heilbrigðiskerfinu á Íslandi, þannig að ef þú vilt undirgangast leiðréttingu þá þarftu að velja „karlkyns“ eða „kvenkyns“,“ skrifar Andie, í þýðingu blaðamanns. „Þú þarft að „lifa sem“ annað af þessum kyngervum, sérstaklega hvernig þú kemur fram, í að minnsta kosti sex mánuði og allt að 18 mánuðum eða lengur og gangast undir nærgöngular spurningar um í hvernig nærfötum þú gengur, hvaða kynlífsstellingar þér finnast góðar, og slíkt.“

Enn eitt dæmið um mismunun vegna þjóðernis

Andie segir að þeir sem ekki eru íslenskir ríkisborgarar þurfi fyrst að fá nýtt nafn og kyngervi samþykkt af heimalandinu áður því megi breyta á Íslandi. „Allt þetta þarf að gerast, ekki aðeins áður en þú mátt byrja í hormónameðferð, heldur eru þetta forsendur þess að breyta kyngervisskráningunni (aftur, aðeins „karlkyns“ og „kvenkyns“) eða jafnvel nafninu þínu - nafni sem þarf að mæta lögbundnum skilyrðum fyrir „karlkyns“ og „kvenkyns“ nöfn.“

Andie segir að önnur lönd standi Íslandi framar hvað þetta varðar og þetta sé enn eitt dæmið þar sem Ísland mismunar fólki eftir þjóðerni. Andie fæddist í Bandaríkjunum og sat á þingi fyrir Vinstihreyfinguna - grænt framboð sem varaþingmaður á árunum 2007 og 2008 og lét til sín taka í málefnum innflytjenda á meðan þingsetunni stóð.

„Kyngervi okkar, hormónar okkar, nöfnin okkar - ekkert af þessu ætti að vera eitthvað sem stjórnkerfið okkar stendur í vegi fyrir eða við þurfum að grátbiðja um,“ skrifar Andie. „Þau eru hluti af því hvernig við skilgreinum okkur, þau tilheyra okkur og kannski mun löggjöfin einn daginn endurspegla það.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
1
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Júlía Margrét Alexandersdóttir
5
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár