Eyþór Arnalds, leið­togi Sjálf­stæð­is­flokks­ins í borg­inni og borg­ar­ráðs­full­trúi, lýsti sig mót­fall­inn auk­inni áherslu á upp­bygg­ingu félags­legs hús­næðis í Reykja­vík í kosn­inga­prófi RÚV í aðdrag­anda sveit­ar­stjórn­ar­kosn­inga. Í gær lagði hann hins vegar fram bók­anir, ásamt fleiri borg­ar­ráðs­full­trúum minni­hlut­ans, þar sem fundið er að stöðu félags­legs hús­næðis í Reykja­vík og borgin sögð hafa hunsað mála­flokk­inn um langa hríð. 

„Það er hjá­kát­legt að meiri­hlut­inn ætlar að varpa ábyrgð­inni á aðgerð­ar­leysi borg­ar­innar síð­ustu árin að fjölga félags­legum íbúðum yfir á ríkið,“ segir í bókun sem borg­ar­ráðs­full­trúar Sjálf­stæð­is­flokks­ins lögðu fram ásamt áheyrn­ar­full­trúa Mið­flokks­ins og Flokks fólks­ins. „Þessi meiri­hluti eins og síð­ustu tveir virð­ist algjör­lega vera búinn að gleyma því að borgin fer með skipu­lags­valdið, sér um lóða­út­hlut­anir og á Félags­bú­staði og gat byggt og keypt litlar íbúðir síð­ustu árin. Viljinn var hins vegar eng­inn.“ Í annarri bókun, sem full­trúi Sós­í­alista­flokks­ins stóð einnig að, segir: „Sú staða sem nú er uppi í Reykja­vík hvað varðar félags­legt hús­næði er á ábyrgð frá­far­andi meiri­hluta borg­ar­stjórnar. Hvað gera á til fram­tíðar er góðra gjalda vert en breytir því ekki að þessi mála­flokkur hefur verið hunds­aður hjá borg­inni um langa hríð.“

Snæbjörn Brynjars­son, rit­höf­undur og vara­þing­maður Pírata, bendir á það á Facebook að þegar Eyþór tók kosn­inga­próf RÚV í vor og lýsti afstöðu sinni til ýmissa mála lýsti hann sig full­kom­lega and­vígan frek­ari upp­bygg­ingu félags­legsra íbúða í Reykja­vík. Hér má sjá skjá­skot af vef RÚV:

Svona svar­aði Eyþór.

Mynd: Skjáskot af vef RÚV

Í bókun frá borg­ar­ráðs­full­trúum Sam­fylk­ingar, Við­reisnar, Pírata og Vinstri grænna er bent á að aldrei hafa verið fleiri íbúðir í upp­bygg­ingu í sögu Reykja­víkur. „Hvergi á Íslandi eru fram­lög til hús­næð­is­mála hærri en í Reykja­vík. Á árunum 2018-2022 eru fram­lögin áætluð upp á 70 millj­arða og þar af eru 14,2 millj­arðar áætl­aðir í ár. Þá fjölgar félags­legu hús­næði ört enda kaupa Félags­bú­staðir íbúðir í nær öllum upp­bygg­ing­ar­verk­efnum sem nú eru í gangi í Reykja­vík með það fyrir augum að stytta til muna biðlista eftir félags­legu leigu­hús­næði,“ segir í bók­un­inni. „Ef öll sveit­ar­fé­lög á höf­uð­borg­ar­svæð­inu ættu sama hlut­fall félags­legra íbúða og Reykja­vík þá væru lík­lega engir biðlistar eftir félags­legu hús­næði. Það væri því æski­legt að sett verði lög um lág­marks­hlut­fall félags­legra íbúða í eigu sveit­ar­fé­laga.“