„Íslend­ingar eru svo fyndnir. Við erum alltaf að tala um veðrið en samt munum við ekki neitt!“ svarar Sara Riel mynd­list­ar­kona eftir að hafa fengið spurn­ingu tengda mál­efn­inu sem er öllum ofar­lega í huga þetta sum­arið: „Var ekki ömur­legt veður á meðan þú varst að þessu?“ Það er þó kannski ekki nema von að fólk spyrji, þar sem hún varði fimm vikum af ein­stak­legu blautu vori og sumri í að vinna stærð­ar­innar úti­lista­verk á gafl Sjáv­ar­út­vegs­húss­ins. Verkið prýða meðal ann­ars fjöldi smárra spegla sem grípa lit­brigði him­ins­ins og breyt­ingar í veðri. Ásamt þeim not­aði Sara akrýl­máln­ingu og gat því ekki unnið í rign­ingu, svo hún átti tals­vert undir því að það stytti upp inn á milli. „Jú, jú, það var fullt af rign­ingu á þessum tíma en það var líka bara mjög oft lág­skýjað. Ég var líka heppin með að vind­áttin var yfir­leitt hag­stæð svo ég var oft í skjóli. …