Ekki er rétt að fyrir liggi samn­ingur milli Sjúkra­trygg­inga Íslands og ljós­mæðra sem sinna heima­þjón­ustu. Ljós­mæður hafa haldið því fram að slíkur samn­ingur sé fyr­ir­liggj­andi í vel­ferð­ar­ráðu­neyt­inu og bíða ein­ungis und­ir­rit­unar ráð­herra. Samkvæmt til­kynn­ingu frá ráðu­neyt­inu mun það hins vegar ekki vera svo.

Allar ljós­mæður sem sinnt hafa heima­þjón­ustu á land­inu, 95 tals­ins, lögðu niður störf frá og með deg­inum í dag. Ástæðan er óánægja með að ekki hafi verið gerður við þær nýr ramma­samn­ingur en þær hafa verið samn­ings­lausar frá því í febr­úar. Að sögn ljós­mæðra sem rætt hefur verið við í fjöl­miðlum um helg­ina og í morgun var gerður samn­ingur við Sjúkra­trygg­ingar Íslands um starf­sem­ina fyrir páska og telja ljós­mæður að ein­ungis sé eftir að stað­festa hann í ráðu­neyt­inu.

Segja aðeins um minnisblað að ræða

Þessu er hins vegar hafnað í til­kynn­ingu frá vel­ferð­ar­ráðu­neyt­inu. Hið rétta sé að 23. mars sl. hafi Sjúkra­trygg­ingar Íslands komið á fram­færi minn­is­blaði til ráðu­neyt­is­ins með til­lögu á breyt­ingum á þeim ramma­samn­ingi sem starfað hafi verið eftir til þessa. Í sam­tali við Stundina stað­festi Stein­grímur Ari Arason, for­stjóri Sjúkra­trygg­inga Íslands, þennan skiln­ing ráðu­neyt­is­ins. „Til­lög­urnar sem  um ræðir fela í sér skerð­ingu á heima­þjón­ustu ljós­mæðra sem ljóst er að myndu hafa tölu­verð áhrif inn á fæð­ing­ar­deildir sjúkra­hús­anna, þar sem verið væri að breyta fag­legum áherslum þjón­ust­unnar með lengri legu­tíma hjá hluta mæðra og það fæli jafn­framt í sér aukið álag á fæð­ing­ar­deild­irnar,“ segir í til­kynn­ingu ráðu­neyt­is­ins. 

Leitað var umsagnar frá Sjúkra­hús­inu á Akureyri og Land­spít­al­anum við til­lög­unum. Umsögn Sjúkra­húss­ins á Akureyri mun hafa borist fyrir nokkru en Land­spít­al­inn sendi inn sína afstöðu í morgun. Er það mat beggja aðila að breyt­ing­arnar sem lagt er til að gerðar verði á samn­ingnum séu óæski­legar, leiði til lak­ari þjón­ustu og auki kostnað. Þá geti lengri spít­ala­vist aukið hætt­una á spít­ala­sýk­ingum bæði fyrir móður og barn.  
„Heil­brigð­is­ráð­herra leggur kapp á að finna fyr­ir­komu­lagi á þjón­ustu við sæng­ur­konur í heima­húsum traust­ari umgjörð en felst í þeim ramma­samn­ingi sem starfað hefur verið eftir hingað til. Þótt afsögn ljós­mæðra af ramma­samn­ingi snerti nýbak­aðar mæður óhjá­kvæmi­lega munu þær engu að síður njóta allrar þjón­ustu sem þörf er fyrir,“ segir enn fremur í til­kynn­ing­unni.

Vel­ferð­ar­ráðu­neytið mun funda í dag með Sjúkra­trygg­ingum Íslands um málið. Þá hefur Svandís Svav­ars­dóttir heil­brigð­is­ráð­herra sent erindi til allra heil­brigð­is­stofn­anna um að þær veiti áfram þá þjón­ustu sem verið hefur, þar til fram­haldið liggur fyrir. Hvernig á að gera það, í ljósi þess að ljós­mæður hafa lagt niður störf, kemur ekki fram.