Fréttir

Alþingi hefur ekki yfirlit yfir ábendingar úr rannsóknarskýrslum

For­seti Al­þing­is seg­ir það ekki hlut­verk embætt­is­ins eða skrif­stofu þings­ins að taka sam­an ábend­ing­ar úr rann­sókn­ar­skýrsl­um Al­þing­is sem snúi að þing­inu sjálfu.

Alþingi hefur ekki yfirlit yfir ábendingar úr rannsóknarskýrslum
Ekki hlutverk Steingríms Steingrímur J. Sigfússon, forseti Alþingis, segir það ekki hlutverk forseta að taka saman ábendingar úr rannsóknarskýrslum Alþingis sem beint sé að þinginu sjálfu. Mynd: Pressphotos
Birtist upphaflega í Stundinni fyrir 8 árum.

Forseti Alþingis eða skrifstofa þingsins búa ekki yfir yfirliti yfir þær ábendingar í rannsóknarskýrslum Alþingis sem sérstaklega er beint að Alþingi sjálfu. Þær hafa ekki verið teknar saman og lítur forseti þingsins ekki svo á að það sé hans hlutverk, eða stjórnsýslu Alþingis, að gera slíkt né heldur að tryggja að brugðist sé við ábendingum sem beint er til þingsins. Það sé löggjafarvaldsins, þingmanna sjálfra, að gera það í samræmi við meginregluna um sjálfstæði Alþingis.

Þetta kemur fram í svari Steingríms J. Sigfússonar, forseta Alþingis, við fyrirspurn Björns Leví Gunnarssonar, þingmanns Pírata. Björn spurði meðal annars um hvort forseti hefði tekið saman yfirlit yfir ábendingarnar, hvernig tryggt hefði verið að þeim hefði verið fylgt eftir og hver bæri ábyrgð á að svo hefði verið gert.

Ekki hlutverk forseta

Í svarinu kemur fram að slíkt yfirlit hafi ekki verið tekið saman af hálfu forseta Alþingis eða skrifstofu þingsins. Umræddar skýrslur varði ekki stjórnsýslu á vegum Alþingis eða stjórnsýslu sem þinginu hafi verið sérstaklega falin samkvæmt lögum og því sé það ekki hlutverk forseta Alþingis að hlutast til um viðbrögð við umræddum ábendingum, þó þær snúi að þinginu sjálfu. Alþingi sjálft, löggjafarsamkoman, hafi fjallað um störf rannsóknarnefndanna sem um ræðir og beint tilmælum til stjórnvalda þegar við hefur átt. Þannig hafi nefnd níu þingmanna fjallað um ábendingar og tillögur í skýrslu rannsóknarnefndar á falli falli íslensku bankanna. Sú nefnd hafi skilað þingsályktunartillögu árið 2010 um afgreiðslu skýrslunnar frá Alþingi og var sú tillaga samþykkt.

Í svari forseta segir enn fremur: „Í samræmi við 8. mgr. 45. gr. laga um þingsköp Alþingis hefur forsætisráðherra gert grein fyrir því í skýrslum sínum um meðferð og framkvæmd ályktana Alþingis hvernig brugðist hefur verið við ábendingum og tillögum rannsóknarnefndar Alþingis.“

Björn Leví spurði einnig hver hefði verið tilnefndur ábyrgðaraðili umræddra mála. Í svari Steingríms kemur fram að það falli ekki undir stjórnsýslu þingsins að tilnefna slíkan aðila heldur leiði það af meginreglunni um sjálfstæði Alþingis að þingið sjálft ákveði með hvaða hætti það vilji framfylgja ályktunum sínum eða þeim rannsóknum sem farið hafi fram á þess vegum. Það sé ekki hlutverk forseta.

 




Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Tæknistreita leiddi til skógarbaða
2
Viðtal

Tækn­istreita leiddi til skóg­ar­baða

Shinrin-yoku, eða skóg­ar­bað eins og það út­leggst á ís­lensku, er heiti á gagn­reyndri að­ferð til streitu­los­un­ar þar sem er ver­ið að beina hug­an­um og skyn­fær­un­um með­vit­að að nátt­úr­unni. Shinrin-yoku var við­bragð við versn­andi lýð­heilsu í Jap­an og er nú hluti af heil­brigðis­kerf­inu þar. Hér hafa þær Gunn­þóra Ólafs­dótt­ir og Ír­is Lana Birg­is­dótt­ir í sam­vinnu við Skóg­rækt­ar­fé­lag Reykja­vík­ur boð­ið upp á skóg­ar­böð í Heið­mörk, sem hafa þó ekk­ert með eig­in­leg böð að gera.

Mest lesið

Mest lesið í vikunni

Hélt upp á afmælið með blóðugum bardaga í Hvíta húsinu
6
Erlent

Hélt upp á af­mæl­ið með blóð­ug­um bar­daga í Hvíta hús­inu

„Michelle Obama er karl­mað­ur, er það ekki rétt, Am­er­íka?“ öskr­aði bar­dagakappi í míkró­fón­inn þar sem hann barð­ist fyr­ir fram­an for­set­ann. Don­ald Trump hélt upp á átt­ræð­is af­mæl­ið með því að setja upp UFC-bar­daga í Hvíta hús­inu. Að­dá­andi sagði við­burð­inn „tákn­ræn­an og lýs­andi fyr­ir banda­ríska menn­ingu“ á með­an aðr­ir sögðu hann smekk­lausa nið­ur­læg­ingu.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Tæknistreita leiddi til skógarbaða
Viðtal

Tækn­istreita leiddi til skóg­ar­baða

Shinrin-yoku, eða skóg­ar­bað eins og það út­leggst á ís­lensku, er heiti á gagn­reyndri að­ferð til streitu­los­un­ar þar sem er ver­ið að beina hug­an­um og skyn­fær­un­um með­vit­að að nátt­úr­unni. Shinrin-yoku var við­bragð við versn­andi lýð­heilsu í Jap­an og er nú hluti af heil­brigðis­kerf­inu þar. Hér hafa þær Gunn­þóra Ólafs­dótt­ir og Ír­is Lana Birg­is­dótt­ir í sam­vinnu við Skóg­rækt­ar­fé­lag Reykja­vík­ur boð­ið upp á skóg­ar­böð í Heið­mörk, sem hafa þó ekk­ert með eig­in­leg böð að gera.

Mest lesið undanfarið ár