Þessi grein birtist upphaflega í Stundinni fyrir meira en 7 árum.

Gísli kvaldist vegna umskurðar og vill forða börnum frá sömu örlögum

„Þetta gleym­ist aldrei,“ seg­ir Gísli Giss­ur­ar­son, 63 ára mað­ur sem upp­lifði sárs­auka og ævi­langa skömm vegna umskurð­ar.

Gísli kvaldist vegna umskurðar og vill forða börnum frá sömu örlögum
Gísli Gissurarson Harmar að hafa verið umskorinn í æsku. Hann gleymir aldrei sársaukanum og vill forða börnum frá sömu aðgerðum. Mynd: Shutterstock

„Aðgerðin sjálf, þegar skorið er í einn viðkvæmasta hluta líkamans, er ekki það versta, heldur eru það dagarnir á eftir. Svefnleysið, það hvernig þarf að liggja í sérstökum stellingum til að lina kvalirnar. Sviðinn þegar sárið er sótthreinsað. Allt þetta, þetta gleymist aldrei,“ segir Gísli Gissurarson, 63 ára gamall maður sem var umskorinn í æsku.

Hann segir að kvalirnar sem hann upplifði séu honum enn minnisstæðar. Hann deildi reynslu sinni með Stundinni, enda segist hann vilja leggja sitt af mörkum til að „vernda börn frá þessum ófögnuði“. 

„Varanlegt inngrip í líkama barns“

Fyrir Alþingi liggur nú frumvarp níu þingmanna þar sem lagt er til að bannað verði að umskera unga drengi með breytingu á 218. gr. almennra hegningarlaga. 

„Umskurður felur í sér varanlegt inngrip í líkama barns sem getur haft í för með sér mikinn sársauka, auk þess sem slíkri aðgerð fylgir hætta á sýkingum og öðrum vandamálum. Það er mat flutningsmanna að drengir sem vilja láta umskera sig af trúarlegum eða menningarlegum ástæðum taki ákvörðun um slíkt þegar þeir hafa sjálfir náð aldri og þroska til þess að skilja hvað felst í slíkri aðgerð,“ segir í greinargerð frumvarpsins sem vakið hefur athygli utan landsteina. 

Skömm í skólasundi

„Maður tapar tilfinningu í kynfærum og þetta hefur áhrif á alla kynferðislega reynslu. Aðgerðin og eftirköst hennar eru reynsla sem læsist inn í undirmeðvitund barnsins,“ segir Gísli um afleiðingar umskurðarins.

„Það að vera eini strákurinn sem var með afskræmd kynfæri í leikfimi og skólasundi olli því að maður forðaðist þessar greinar. Auk þess upplifir maður skömm. Ég hef alltaf haft á tilfinningunni að það sé hreinlega eitthvað að mér, ekki sagt frá þessu og reynt að fela þetta.“ 

„Ég hef alltaf haft á tilfinningunni að
það sé hreinlega eitthvað að mér, ekki
sagt frá þessu og reynt að fela þetta“

Gísla hefur verið tjáð að umskurðurinn hafi verið framkvæmdur af læknisfræðilegum ástæðum. Engu að síður telur hann aðgerðina hafa haft neikvæð áhrif á líf sitt. Trúarleg rök geti ekki réttlætt að aðrir séu látnir ganga í gegnum það sama og hann. Nú sé honum efst í huga að öðrum sé hlíft við slíkum örlögum.

„Mannafórnir, limlestingar, pyntingar eiga sér enga réttlætingu og allra síst trúarlega. Trúarbrögð ættu að vera kærleikshvetjandi en ekki öfugt. Kvalarfullar aðgerðir á börnum eru óviðunandi, sérstaklega þegar varanlegur skaði hlýst af.“ 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Umskurður barna

Mest lesið

Júlía Margrét Alexandersdóttir
5
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár