Hávært ákall er uppi meðal hags­muna­sam­taka fyr­ir­tækja og fjár­festa um stór­aukna aðkomu einka­að­ila að upp­bygg­ingu inn­viða á Íslandi. Krafan um það sem ýmist er kallað einka­fram­kvæmd, einka­fjár­mögnun eða „sam­vinnu­leið“ einka­að­ila og hins opin­bera (e. pri­vate-public partners­hip) heyr­ist ekki síst frá Samtökum atvinnu­lífs­ins, Við­skipta­ráði og Samtökum iðn­að­ar­ins, en slíkt fyr­ir­komu­lag lýsir sér þannig að hið opin­bera felur einka­fyr­ir­tækjum að hanna, fjár­magna, byggja og reka mann­virki í til­tek­inn tíma. Í til­viki vega­gerðar og sam­göngu­mann­virkja er stofn­kostn­að­ur­inn oft greiddur upp með veggjöldum yfir margra ára tíma­bil. 

GAMMA hefur ekki látið sitt eftir liggja í bar­átt­unni fyrir því að ríkið hleypi einka­að­ilum að upp­bygg­ingu og rekstri sam­fé­lags­inn­viða. Í nóv­em­ber 2016 gaf fyr­ir­tækið út skýrslu um inn­viða­fjár­fest­ingar á Íslandi þar sem því er haldið fram að upp­söfnuð fjár­fest­inga­þörf í innviðum sé svo gríð­ar­leg – um 230 millj­arðar – að vart verði við unað án þess að „hleypa stofn­ana­fjár­festum inn í slík verk­efni“ eins og for­stjór­inn …