Björn Ingi Hrafns­son, eig­andi fjöl­miðla­fyr­ir­tæk­is­ins Pressunnar, hefur afnot af Land Rover Discovery jeppa sem Pressan hefur greitt 350 þús­und krónur fyrir á mán­uði. Þetta herma heim­ildir Stund­ar­innar. Samkvæmt heim­ildum Stund­ar­innar bár­ust reikn­ingar fyrir jepp­ann til Pressunnar ehf.  þar til nýlega.

Björn Ingi segir á Facebook hjá sér að hann hafi nýlega yfir­tekið samn­ing­inn um leig­una á bílnum sem hafi verið hluti af launa­kjörum hans.  Í sam­tali við Stundina segir Björn Ingi að hann hafi yfir­tekið greiðsl­urnar fyrir bíl­inn frá og með des­em­ber-mán­uði og að hann hafi per­sónu­lega fengið sendan greiðslu­seðil fyrir þennan mánuð. Björn Ingi segir líka að hann hafi skilað þessum Land­rover-jeppa til bíla­leig­unnar og tekið annan bíl á leigu í stað­inn. 

Miklar deilur hafa staðið yfir um eign­ar­hald á fjöl­miðla­fyr­ir­tæk­inu síð­ast­liðna mán­uði á milli Björns Inga og Róberts Wessmanns eftir að hinn fyrr­nefndi seldi allar helstu eign­irnar út úr fyr­ir­tæk­inu Pressan ehf. til fyr­ir­tæk­is­ins Frjálsrar fjöl­miðl­unar fyrr á …