Þessi grein birtist upphaflega í Stundinni fyrir meira en 7 árum.

VG ekki á móti því að tilteknir Sjálfstæðismenn gegni ráðherraembætti

Katrín Jak­obs­dótt­ir, formað­ur Vinstri grænna, seg­ir ekki hefð fyr­ir því að flokk­ur skipti sér af ráð­herra­vali sam­starfs­flokks síns. „Nei, þetta er ekki krafa af okk­ar hálfu,“ sagði hún, að­spurð um um­mæli vara­for­manns flokks­ins.

VG ekki á móti því að tilteknir Sjálfstæðismenn gegni ráðherraembætti

Katrín Jakobsdóttir, formaður Vinstri grænna, segir að það sé ekki krafa af hálfu flokksins í stjórnarmyndunarviðræðum að ákveðnir þingmenn Sjálfstæðisflokksins, svo sem formaðurinn, verði utan ríkisstjórnar. Þetta kom fram í viðtali við Katrínu í Vikulokunum í morgun. 

Sem kunnugt er hafa tvær síðustu ríkisstjórnir fallið vegna hagsmunaárekstra og umdeildra mála þar sem Bjarni Benediktsson, formaður Sjálfstæðisflokksins, var í brennidepli; í fyrra skiptið í tengslum við viðskipti í gegnum aflandsfélag og í síðara skiptið vegna leyndarhyggju í málum barnaníðinga sem fengu uppreist æru.

Fleiri hneykslismál hafa komið upp nú á árinu. T.d. var Bjarni staðinn að því að hafa setið á upplýsingum um aflandseignir Íslendinga fram yfir kosningar og Sigríður Á. Andersen, starfandi dómsmálaráðherra, braut lög að mati Héraðsdóms Reykjavíkur þegar hún skipaði dómara við Landsrétt á skjön við mat hæfnisnefndar án þess að gæta að reglum stjórnsýsluréttar.

Nokkrum vikum fyrir síðustu þingkosningar birti svo Stundin upplýsingar sem sýna að Bjarni Benediktsson hefur margsinnis dregið upp villandi mynd af viðskiptum sínum í aðdraganda bankahrunsins og ekki komið hreint fram í umræðu um eigin aðkomu að viðskiptum skyldmenna sinna. 

Vísir.is fullyrti í frétt í síðustu viku að Edward Hákon Hujbens, varaformaður Vinstri grænna, teldi að ekki gæti skapast sátt um samstarf við Sjálfstæðisflokkinn nema Bjarni Benediktsson, formaðurinn, yrði utan ríkisstjórnarinnar. Þegar Stundin hafði samband við Edward sagði hann að þetta væri ekki hans afstaða heldur sjónarmið sem flokksmenn hefðu viðrað við hann. 

Katrín Jakobsdóttir talaði með sama hætti í Vikulokunum á Rás 1 í morgun. „Auðvitað hef ég heyrt þessar raddir. Þegar varaformaðurinn var að lýsa þessu var hann að endurspegla ákveðnar raddir innan Vinstri grænna þar sem mikil umræða var um þessar umræður á okkar innri vef,“ sagði hún og benti á að ekki væri hefð fyrir því að formenn flokka ákveddu hvaða þingmenn annarra flokka gegndu ráðherraembætti. „Ég hef ekkert verið að krefjast þessa,“ sagði Katrín. „Nei, þetta er ekki krafa af okkar hálfu.“ 

Í viðtalinu kom fram að viðræðunum væri hvergi nærri lokið, enda hefði ekki náðst lending í skattamálum þar sem stefnur Vinstri grænna og Sjálfstæðisflokksins eru ólíkar. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Alþingiskosningar 2017

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár