Gríð­ar­leg óánægja er á meðal eft­ir­launa­fólks með þær skerð­ingar sem átt hafa sér stað á kjörum þeirra. Fjöldi þeirra sem þiggur ein­göngu elli­líf­eyri er fastur í fátækt­ar­gildru og getur ekki rétt hlut sinn með því að ná sér í auka­tekjur. Tveir stór­fundir hafa verið haldnir að und­an­förnu þar sem þessi óánægja hefur brot­ist upp á yfir­borðið. Fólk er reitt vegna skerð­inga og svik­inna lof­orða stjórn­valda.

Á stór­fundi Lands­sam­bands eldri borg­ara, Félags eldri borg­ara og Gráa hers­ins í Háskóla­bíói, sem bar yfir­skrift­ina Út úr fátækt­ar­gildrunni, sátu full­trúar allra stjórn­mála­flokka fyrir svörum. Þórunn Svein­björns­dóttir, for­maður Lands­sam­bands eldri borg­ara, sagði óþol­andi mis­munun vera ríkj­andi í garð eldri borg­ara.

„Það hefur verið flakkað með frí­tekju­markið mörgum sinnum frá hruni og vikið frá nor­rænu vel­ferð­ar­kerfi Það á eng­inn að þurfa að vera fátækur. Það er komið að okkur! Við neitum því að vera á síð­asta sölu­degi,“ sagði hún og skor­aði á stjórn­mála­menn að …