Laun hjá bæj­ar­full­trúum Akur­eyrar og Kópavogs hafa hækkað um 80 pró­sent á kjör­tíma­bil­inu og aðeins örfá sveit­ar­fé­lög hafa staðið við fyr­ir­heit sín um að hækka ekki laun hjá sínum full­trúum.

Laun kjör­inna full­trúa hjá sveit­ar­stjórnum hafa hækkað gríð­ar­lega síðan hinn umdeildi úrskurður kjara­ráðs á kjör­dag þann 29. októ­ber í fyrra var til­kynntur. Mörg sveit­ar­fé­lög höfðu það fyr­ir­komu­lag að laun kjör­inna full­trúa voru tengd þing­far­ar­kaupi og því var útlit fyrir að laun þeirra myndu hækka um 45 pró­sent, eins og laun þing­manna í kjöl­far úrskurðar kjara­ráðs.

Margar sveit­ar­stjórnir ákváðu að hafna eða fresta launa­hækk­unum í sam­ræmi við úrskurð ráðs­ins og hvöttu Alþingi til að taka málið fyrir og ógilda hækk­un­ina. Þegar í ljós kom að slíkt var ekki upp á ten­ingnum hjá Alþingi ákváðu nokkur sveit­ar­fé­lög að þiggja hækk­un­ina, en önnur hafa breytt grund­velli launa­á­kvarð­ana sem hefur einnig falið í sér umtals­verðar launa­hækk­anir kjör­inna full­trúa.

Salek-samkomulagið dautt

Gylfi Arn­björns­son, for­seti ASÍ …