Sýn til­kynnti Fjár­mála­eft­ir­lit­inu fyrr á þessu ári um það hvernig farið var með innri upp­lýs­ingar hjá félag­inu árið 2022, þegar Heiðar Guð­jóns­son var stærsti eig­andi og for­stjóri fyr­ir­tæk­is­ins.

Málið teng­ist meðal ann­ars rekstr­ar­spá sem virð­ist ekki hafa farið rétta boð­leið innan félags­ins um svipað leyti og Heiðar seldi fjár­festum stóran hlut í fyr­ir­tæk­inu. Þessir sömu fjár­festar hafa stefnt Heiðari fyrir dóm og krefj­ast skaða­bóta, að því er Morg­un­blaðið greinir frá.

Málið snýr meðal ann­ars að upp­færðri rekstr­ar­spá Sýnar vegna tekna af svo­kall­aðri IoT-starf­semi, eða þjón­ustu sem tengir tæki og búnað við fjar­skipta­net. Samkvæmt Sýn virð­ist þeirri spá ekki hafa verið miðlað innan félags­ins eins og verk­lags­reglur gerðu ráð fyrir.

Félagið greinir frá þessu í til­kynn­ingu til Kaup­hall­ar­innar og segir til­efnið vera umfjöllun um máls­höfðun Gavia Invest á hendur Heiðari og félagi hans Úrsus.

Málið kom upp þegar núver­andi stjórn og stjórn­endur Sýnar fóru yfir eldri rekstr­ar­gögn vegna áætl­ana­gerðar fyrir árið 2026. Þá komu fram upp­lýs­ingar sem urðu til þess að farið var að skoða nánar hvernig farið hefði verið með upp­lýs­ingar um rekstr­ar­spá félags­ins árið 2022.

Stjórn Sýnar fékk í kjöl­farið óháð lög­fræði­á­lit og ákvað eftir þá yfir­ferð að upp­lýsa Fjár­mála­eft­ir­litið um málið og afhenda því gögn.

Atvikin sem núver­andi stjórn taldi ástæðu til að vekja athygli Fjár­mála­eft­ir­lits­ins á áttu sér stað um svipað leyti og Heiðar átti í millj­arða­við­skiptum með hluta­bréf í Sýn.

Eign­ar­halds­fé­lag Heiðars seldi í júlí 2022 nýstofn­uðu félagi undir for­ystu Reynis Grét­ars­sonar 12,72 pró­senta hlut sinn í Sýn. Með við­skipt­unum seldi Heiðar allan hlut sinn í félag­inu og lét jafn­framt af störfum sem for­stjóri.

Sýn tekur fram í til­kynn­ingu sinni að félagið taki ekki afstöðu til þess hvort lög eða reglur hafi verið brotin. Fjár­mála­eft­ir­litið hafi heldur ekki komið neinni nið­ur­stöðu eða afstöðu á fram­færi við félagið vegna máls­ins.

Í yfir­lýs­ingu stjórnar Sýnar segir jafn­framt að þessi atvik frá árinu 2022 hafi engin áhrif á dag­legan rekstur félags­ins í dag og að rekstur og afkoma séu í sam­ræmi við birtar áætl­anir.