Kertafleyt­ingar fara fram víða um land á fimmtu­dags­kvöld til minn­ingar um kjarn­orku­árás­irnar á Japan í Seinni heims­styrj­öld­inni

„Árið 1945 vörp­uðu Banda­ríkja­menn kjarn­orku­sprengjum á japönsku borg­irnar Hírósíma og Nagasakí,“ segir í til­kynn­ingu um við­burð­ina. „Þar með komst ver­öldin í kynni við háska­leg­ustu vopn sem mann­kynið hefur skapað og hefur ógnin um beit­ingu þeirra vomað yfir til þessa dags. Sjaldan hefur verið unnið jafn ötul­lega að fram­leiðslu kjarn­orku­vopna og nú um stundir, á sama tíma og flestum sátt­málum sem settu þeim skorður hefur verið sagt upp eða þeir fallið úr gildi. Kjarn­orku­vopn eru lif­andi og sífelld ógn.“

Kertafleyt­ing­arnar hafa farið fram árlega síðan 1985 til að minn­ast fórn­ar­lambanna og leggja áherslu á kröf­una um heim án kjarn­orku­vopna. „Fyrsta fleyt­ingin var á Reykja­vík­ur­tjörn en í gegnum tíð­ina hafa fleiri staðir bæst í hóp­inn. Í ár verður fleytt á sex stöðum að kvöldi fimmtu­dags­ins 6. ágúst. Þar munu frið­ar­sinnar koma saman og …