Þann 5. nóvember 1626 settist niðurlenski kornkaupmaðurinn Pieter Schagen niður á skrifstofu sinni í Amsterdam og skrifaði bréf. Schagen var rétt tæplega fimmtugur og ekki við eina fjölina felldur. Auk kaupmennskunnar var hann tónlistarmaður góður og allvinsælt tónskáld. Hann sat í stjórn Niðurlenska Vesturindíafélagsins sem annaðist verslun og siglingar vestur um haf þar sem mörg Evrópuríki voru enn að þreifa fyrir sér í nýja heiminum, svokallaða. Og Schagen var líka í ríkisráði Niðurlanda og bréfið sem hann skrifaði var einmitt til félaga hans í því ráði.

Hann ávarpaði félaga sína einkar kurteislega:

„Hooghe Moghende Herren ...“

Það mætti þýða sem:

„Háu og voldugu herrar.“

Og svo hélt Schagen áfram:

„Í gær kom hingað skipið Skjaldarmerki Amsterdam og hafði það siglt hinn 23. september frá Nýja Niðurlandi við ósa Máritíusarfljóts. Skipverjar segja að fólki okkar þar vegni vel og lifi í friði. Konur þeirra hafa jafnframt eignast börn þar í …