Skotíþróttafélag Hafnarfjarðar hefur losað mikið magn af blönduðum úrgangi á lóð sem félagið er með á leigu hjá Hafnarfjarðarbæ. Úrgangurinn var svo notaður sem uppfylliefni til að búa til vegg vegna hljóðmengunar og öryggisvegg fyrir skotsvæði félagsins.

Þá hefur vallarstjóri félagsins notað stóran hluta af lóðinni undir sinn eigin persónulega verktakarekstur, sem ekki liggur leyfi fyrir, en Hafnarfjarðarbær leigir félaginu lóðina. Myndir af svæðinu sýna hvernig blönduðum byggingarúrgangi var losað á svæðið og svo loks mokað yfir hann.

Ekki í samræmi við samning

Kristinn Valgeir Sveinsson, formaður Skotíþróttafélags Hafnarfjarðar, brást afar illa við spurningum blaðamanns vegna þessa og spurði ítrekað af hverju það ætti að skrifa níðgrein um félagið. Hann gat engu svarað um tilvist úrgangsins og kannast lítið við málið.

Þegar blaðamaður var á svæðinu að skoða aðstæður hitti hann á Einar Örn Reynisson, vallarstjóra Skotíþróttafélagsins. Brást hann einnig afar illa við spurningum blaðamanns vegna ólöglegrar losunar á úrgangi …