„Já, það eru verulegar áhyggjur að það gerist, ég verð að vera heiðarleg með það,“ sagði Þorgerður Katrín Gunnarsdóttir, utanríkisráðherra, spurð hvort hún væri með áhyggjur af því að erlend þjóðríki myndu reyna að hafa áhrif á kosningabaráttuna fyrir þjóðaratkvæðagreiðslu um að halda áfram samningaviðræðum við ESB. Þingsályktunartillaga þess eðlis verður lögð fyrir Alþingi strax eftir helgi að sögn Þorgerðar sem tilkynnti á blaðamannafundi í morgun að stefnt verði á að kjósa um áframhaldandi viðræður við ESB í lok ágúst næstkomandi.

„Við erum að sjá mjög massíf áhrif af hálfu Rússa í ríkjum sem eru meðal annars að halla sér að Evrópusambandinu. Það eru ákveðin öfl í heiminum sem vilja ekki sjá sterkt samhent Evrópusamband og við getum nefnt sem dæmi Moldóvu þar sem voru mjög mikil rússnesk ítök, fjármagni var beinlínis veitt inn í þær kosningar sem voru hér fyrir nokkrum mánuðum …